ތާރުމަގުން ކާރެއް ކޮންޓްރޯލް ނުވެ ނުރައްކާތެރި އެކްސިޑެންޓެއް ހިނގައިފި

މިއަދު ހަވީރު ފުވައްމުލަކު ނާއިބު ތުއްތު މަގުގައި (ތާރު މަގު) ދުއްވި ކާރެއް ކޮންޓްރޯލް ނުވެ ނުރައްކާތެރި އެކްސިޑެންޓެއް ހިނގައި ދެޒުވާނަކު ނިޔާވެއްޖެއެވެ.

މިއެކްސިޑެންޓުގައި ނިޔާވެފައިވަނީ ފުނާޑު ކެޕްރީ އަހަރުގެ އަޙުމަދު މުތީޢު އަބްދުލްހަކީމް (25 އަހަރު) އާއި ދޫޑިގަން މެހެންދޫ އަލީ އާމިރު އަޙުމަދު (19 އަހަރު) އެވެ. އެކްސިޑެންޓަށް ފަހު މި ދެ ޒުވާނުން ހޮސްޕިޓަލަށް ގެނައިރު ވެސް އެއްވެސް ހަރަކާތެއް ނެތްކަމަށާއި، އަލީ އާމިރު މަރުވީ 5:04 ގައިކަމަށާއި އަދި އަޙުމަދު މުތީޢު ވަނީ އޭގެ ވެސް ކުރިން މަރުވެފައި ކަމަށް ފުވައްމުލަކު ހޮސްޕިޓަލުން މީޑިއާއަށް މައުލޫމާތު ދީފައި ވެއެވެ.

މިއަދުގެ ނުރައްކާތެރި އެކްސިޑެންޓް ވި ސަރަހައްދުގައި މީހުން އެއްވެފައި، ކާރުގައި ތާށިވެފައިވާ މިހާ ނެގުމުގެ މަސައްކަތް ކުރިޔަށް ދިޔަ ވަގުތު

މި އެކްސިޑެންޓްގައި ކާރު ދުއްވީ އަހުމަދު އާމިރު އެވެ. ދެން ކާއުގައި އިނީ މުތީއު އެވެ. އެދެމީހުންގެ ހަށިގަނޑަށް ވެސް ބޮޑެތި ގެއްލުތަކެއް ލިބިފައި ވެއެވެ.

ތާރުމަގުން ފުނާޑު “ކިނބިބާލު” ހިސާބުގައި މިއެކްސިޑެންޓް ހިނގަން މެދުވެރިވީ ބާރު ސްޕީޑުގައި އެމީހުން ދުއްވި ކާރު ކޮންޓްރޯލު ނުވެ ގޮސް މަގުގެ އަތިރި އާއިވީ ފަރާތުގައި ހުރި ކިނބިގަހެއްގައި ޖެހި ތާށިވެގެން ނެވެ. ކާރު ދުއްވަން އިންކުއްޖާގެ ބޯ ތާށިވެ ވަރަށްބޮޑަށް ޗިސް ވެފައިވާކަމަށް ވެސް ޚަބަރު ލިބެއެވެ.

މިހާދިސާގައި ކާރުތެރޭގައި ތާށިވި ދެ މީހުން ނެގުނީ ރަށުގެ އާއްމުންނާއި ފުލުހުން ގޮސް ވެހިކަލްތައް ބޭނުންކޮށްގެން ކުރި މަސައްކަތުން 20 ވަރަކަށް މިނިޓް ފަހުންނެވެ. ކާރުތެރެއިން އެމީހުން ނެގީ ގްރޭންޑަރު ބޭނުންކޮށްގެން ކާރު ކީހާލައިގެންނެވެ. އެމީހުން ދުއްވީ ދެ ސީޓާއި 2 ދޮރުފަތްލީ ހުދުކުލައިގެ ނިޝާން ބްރޭންޑްގެ ކާރެކެވެ.

ދެމީހުންވެސް ނެގިއިރު ވަނީ ޚަބަރު ހުސްވެފައެވެ. ކާރުތެރޭގައި ބޮޑަށް ތާށިވި، މުތީއު ހޮސްޕިޓަލަށް ގެންދެވުނީ 20 ވަރަކަށް މިނިޓް ފަހުންނެވެ. އަނިޔާގެ ތަފުސީލެއް އަދި ހޮސްޕިޓަލުން ހާމައެއް ނުކުރެއެވެ. މި ދެ ޒުވާނުން ހޮސްޕިޓަލަށް ގެންދިޔައިރު ވެސް މަރުވެފައިވާ ކަމަށް ފުވައްމުލަކު ހޮސްޕިޓަލުން ހާމަކުރެއެވެ.

ބާރަށް ދުއްވުމަކީ މިހާގެ ފުރާނަވެސް ގެއްލިދާވަރުގެ ނުރައްކަލެއް! ސަމާލުވޭ!

މި އެކްސިޑެންޓްގައި މަރުވި އަޙުމަދު މުތީޢު އަބްދުލްހަކީމް އަކީ މީގެކުރިން 2017 ވަނަ އަހަރު ފުވައްމުލަކު ރިންގް ރޯޑް (ތާރުމަގު) ގައި އޭނާ ދުއްވި ސައިކަލެއް ކާރެއްގައި ޖެހި ހިނގި ނުރައްކާތެރި އެކްސިޑެންޓެއްގައި ސީރިއަސް އަނިޔާތަކެއް ލިބުނު ޒުވާނަކެވެ. އެފަހަރު އޭނާ ސަލާމަތްވީ ޑޮކްޓަރުން އުއްމީދު ކަނޑާލާފައިވަނިކޮށް މާލެ ގެނެސް އޭޑީކޭގައި ފަރުވާދީގެންނެވެ. އެފަހަރު އޭނާގެ ފުްއޕާމެއަށް ބޮޑެތި ގެއްލުންތަކެއް ލިބި ނޭވާލާން ވެންޓިލޭޓަރަށްވެސް ލާން ޖެހުނެވެ.