މުހައްމަދު ޝިހާބް ކޮވިޑް-19 ވެކްސިން ޖެހުމަށް ބާރު އެޅުމުގެ ގޮތުން ފުވައްމުލައް ސިޓީ ކައުންސިލުން ހިންގި ޕްރޮގްރާމުގައި ބައިވެރިވެ ވެކްސިން ޖެހި ފަރާތްތަކުގެ ތެރެއިން ގުރައަތުން ހޮވުނު މީހުންނަށް ފައިސާގެ އިނާމާއި ރެސްޓޯރެންޓް ވައުޗާ ހަވާލުކުރުން ބާއްވައިފިއެވެ.
އިނާމު ހާވާލުކުރުން ބާއްވާފައިވަނީ ނިމުނު ސެޕްޓެމްބަރު މަހުގެ 27 ވަނަ ދުވަހު ފުވައްމުލައް ސިޓީ ކައުންސިލްގެ މީޓިން ރޫމުގައި ކުރިޔަށް ގެންދިޔަ ކުޑަ ރަސްމިއްޔާތެއްގައެވެ. އިނާމު ލިބޭ ފާރާތްތައް ކަނޑައެޅުމަށް ގުރުއަތު ނެގުން ބައްވާފައިވަނީ، 18 ސެޕްޓެމްބަރު 2021 ދުވަހުގެ ރޭ ފުވައްމުލައް ސިޓި ކައުންސިލުން އޮންލައިންކޮށް ބޭއްވި ނޫސްވެރިންގެ ބައްދަލުވުމެއްގައި ލައިވްކޮށެވެ.
ވެކްސިން ޖަހައިގެން ގުރުއަތުން ހިވުނު ފަރާތްތަކަށް އިނާމު ހަވާލުކުރުން
އިނާމު ހަވާލުކޮށްދެއްވީ ފުވައްމުލައް ސިޓީ ކައުންސިލް މެމްބަރު އަބްދުﷲ ނާސިރާއި ކައުންސިލް މެމްބަރު މުހައްމަދު އިސްމާއިލު އެވެ.
ކޮވިޑް-19 ވެކްސިން ޖެހުމަށް ބާރު އެޅުމުގެ ގޮތުން ފުވައްމުލައް ސިޓީ ކައުންސިލުން އިންތިޒާމުކުރި “އެންމެން ގުޅިގެން ވެކްސިން ޖެހި އަދަދު %90 އިން މަތިކުރުން” މި ހަރަކާތް ކުރިޔަށް ހެންގޮސްފައި ވަނީ ފާއިތުވި އޮގަސްޓް 26 އިން ސެޕްޓެމްބަރު މަހުގެ 2 އަށެވެ. އެއްހަފުތާގެ އެޕްރޮގްރާމު ނިމުނު އިރުވެސް އެކަން ހާސިލުވެފައި ނުވި ނަމަވެސް މިހާރު ވަނީ %90 އަށް ވުރެ މަތީން ވެކްސިން ޖަހައިގެން ޕީސީއާރު ޓެސްޓާއި ނުލާއި ފުވައްމުލައް ސިޓީއަށް ދަތުރުކުރެވޭނެ ގޮތް ހަމަޖެހިފައެވެ.
ރާއްޖޭގެ ބޮޑެތި އާބާދީތަކުން ފުވައްމުލައް ސިޓީއިން މިވަނީ ދިރިއުޅޭ އާބާދީގެ %90 އިން މަތިން ވެކްސިްނ ޖަހައިގެން ޕީސީއާރު ޓެސްޓާއި ނުލާއި ދަތުރުކުރެވޭ އެންމެ ފުރަތަމަ ރަށަށް ވެފައެވެ.
ވެކްސިން ޖަހަިއގެން ގުރުއަތުން އިނާމު ލިބޭ ފަރާތްތައް ހޮވަނީ – ފުވައްމުލައް ސިޓީ އީއޯސީ 18 ސެޕްޓެމްަބަރު 2021
ވެކްސިން ޖަހައިގެން ގުރުއަތުން ހިވުނު ފަރާތްތަކަށް އިނާމު ހަވާލުކުރުން”އެންމެން ގުޅިގެން ވެކްސިން ޖެހި އަދަދު %90 އިން މަތިކުރުން” ޕްރޮގްރާމުން 1000 ރުފިޔާގެ އިނާމު ލިބުނު 3 ފަރާތަކީ:
1. ފާތިމަތު މުހައްމަދު ދިރޭލާލުގެ
2. އަލީ ހުސޭން ރަންވޭ
3. ފާތިމަތު ސަމަދު ރަންދެލިގެ
މިހަރަކާތުން ދެވަނަ އިނާމެއްގެ ގޮތުން ވެކްސިން ޖާހަ ފާރަތްކުން ގުރުތަން ހޮވޭ 5 ފަރާތަކަށް ފުވައްމުލައް ސިޓީގެ މަޝްހޫރު ރެސްޓޯރަންޓަކުން ދޭ 2 މީހުންގެ ކެއުން ލިބުނު 5 ފަރާތަކީ؛
1. ޚަދީޖާ ހަސަން، ހުރުއަޑި
2. މަރިޔަމް ޒާހިރު، ސަނާ
3. އަހުމަދު ސައީދު، އޮނޯޑާ
4. އަބްދުﷲ ނާހިދު، ސީސައިޑް
5. އައިޝަތު ހުދާ މުހައްމަދު، ނާޒު
ވެކްސިން ޖަހައިގެން ގުރުއަތުން ހިވުނު ފަރާތްތަކަށް އިނާމު ހަވާލުކުރުން
“އެންމެން ގުޅިގެން ވެކްސިން ޖެހި އަދަދު %90 އިން މަތިކުރުން” މި ޕްރޮގްރާމުގައި 172 ދިވެހިންނާއި 46 ބިދޭސިން ނާއެކު ޖުމަލަ 218 މީހަކު ވެކްސިން ޖަހާފައިވާ ކަމަށް ފުވައްމުލައް ސިޓީ ކައުންސިލުން ހާމަކުރެއްވިއެވެ.
ޚިޔާލުތައް