މުހައްމަދު ޝިހާބް ފުވައްމުލައް ސިޓީ ބަނދަރުގެ މަސައްކަތް ނުފެށިވަނީ އެކަމުގައި ފަންނީ ހައްލެއް ނުލިބިގެން ކަމަށް ޕްލޭނިން މިނިސްޓަރު މުހައްމަދު އަސްލަމު ވިދާޅުވެއްޖެއެވެ. މިނިނސްތަރު އަސްލަމު މިހެން ވިދާޅުވީ ފުވައްމުލައް ސިޓީ ބަނދަރުގެ ބޮޑުރުމުގެ މަސައްކަތް ކުރިޔަށް ދާގޮތް ސާފުކުރުމަށް ފުވައްމުލަކު މެދު ދާއިރާގެ މަޖުލިސް މެމްބަރު ހުސޭން މުހައްމަދު ދިދީ ރައްޔިތުންގެ މަޖުލީހުގެ ޖަލްސާގައި މިއަދު ސުވާލުކުރުމުންނެވެ.
މިއަދު މަޖުލިސް ތަޅުމުގައި އެމްޕީ ހުސޭން ވިދާޅުވި ފުވައްމުލަކުގެ ބަނދަރު ބޮޑުކުރުމުގެ މަޝްރުއަކީ ފާއިތުވި 2020 ވަނަ އަހަރާއި މިއަހަރު 2021 ވަނަ އަހަރުގައި ވެސް ބަޖެޓްގައި ހިމަނާފައިވާ މަޝްރުއެއް ކަމަށެވެ. ފުވައްމުލަކު ބަނދަރުގެ ކުޑަވެ، ޖާގައިގެ ދަތިން އިންތިހާއަށް ބޮޑުވެފައި ވާކަމަށެވެ. މިހާރުވެސް އޮޑި ދޯނިތަކަށް ކައިރި ކުރެވޭނެ ޖާގަ ނުލިބިފައިވާ ކަމަށެވެ.
މިއީ ޚާއްސަކޮށް ފުރާ ދުއްވާ އުޅަނދުތައް ގެންގުޅުއްވާ ފަރާތްތަކާއި ރައްޔިތުން ވެސް އަވަސްކުރުމަށް ބޭނުންވެގެން، އަބަދުވެސް ޝަކުވާ ކުރަމުން އަންނަ ކަމެކެވެ. ނަމަވެސް ބަޖެޓުގައި ހިމެނި އުއްމީދު ލިބުނު ކަމުގައި ވިޔަސް އަމަލީ މަސައްކަތް އަދިވެސް މިވަނީ ނުފެށިފައެވެ. އަދި ފެށޭނެ ދުވަހެއް ވެސް އެނގޭކަށް ނެތެވެ.
ފުވައްމުލަކު ބަނދަރު ހުޅުވީ 2003ގައި
އެމްޕީ ހުސޭން ސުވާލު ކުރެއްވީ މިމަަސައްކަތް ކުރިޔަށް ގޮސްފައިވަނީ ކިހާ ހިސާބަކަށް ތޯއާއި މަޝްރޫއުގެ އަމަލީ މަސައްކަތް ފެށިގެންދާނީ ކިހާ ހިސާބެއްގައި ތޯއެވެ؟
މިސުވާލަށް ޖަވާބު ދެއްވަމުން މިނިސްޓަރު އަސްލަމު ވެސް ވިދާޅުވީ ފުވައްމުލަކު ބަނދަރުގެ އެންމެ ބޮޑު މައްސަލައަކީ ޖާގައިގެ ދަތިކަން ކަމަށާއި، ބަނދަރު ކުޑަވުން ކަމަށެވެ. މިކަމާއި ގުޅޭގޮތުން ތަފާތު އެކިފަހަރުމަތިން މަޝްވަރާ ކުރެވިފައިވާ ކަމަށާއި އަދި މިނިސްޓަރަށް އެކަމުގައި ފެންނަ ގޮތެއްވެސް އޮތް ކަމަށެވެ. ނަމަވެސް މިނިސްޓަރަށް ފެނިވަޑައިގަނވާ ގޮތެއް ހާމައެއް ނުކުރައްވައެވެ.
ފުވައްމުލަކު ބަނދަރަކީ މަސައްކަތް ކުރިޔަށް ގެންދިއުމަށް ފަސޭހަ ބަނދަރެއް ނޫން ކަމަށާއި، މިހާރު ހެދިފައިވާ ބަނދަރުގެ ކޮންމެ އިންޗިއެއް ވެސް ކޮނެފައިވަނީ ފަރު ގޮއްވައިގެން ކަމަށެވެ. އެގޮތުން ބަނދަރު ކޮނެފައި އެއޮތީ 114 ޓަނުގެ ގޮވާއެއްޗެހި އަޅައިގެން ކަމަށެވެ. ބަނދަރުގެ ޝީޓްޕައިލް ކުރީވެސް ގޮއްވައިގެން ޓްރެންޗިން ހަދައިގެން ބެކްފިލްކޮށްގެން ކަމަށެވެ.
ނެރާއި ދިމާލުން ބަނދަރު ތެރެއަށް ވަދެގެން އަންނަ ދިމާގައި ތިލަކޮށް ސަރަހައްދެއް އެބައޮތް ކަމަށާއި، އެސަރަހައްދު ފުންކުރުމުން ކޮންމެވެސް ވަރަކަށް އިތުރު ޖާގަ ކޮޅެއް ލިބިދާނެ ކަމަށެވެ. އެތަނުން އެންމެ ރަނގަޅަށް ރައްކާތެރިކަން ނުދެވުނު ނަމަވެސް ކޮންމެވެސް ވަރެއްގެ ޖާގަކޮޅެއް އިތުރު ކުރެވިދާނެ ކަމަށެވެ.
ފުވައްމުލަކު ބަނދަރު ސަރަހައްދަށް މިއަދު ހަވީރު ވާރޭވެހެނީ: ފޮޓޯ ވީޑިއޯ ކެޕްޗަރިން- ޒަމާން
އެކަމަކު މައްސަލައަކީ ބަނދަރު ބޮޑުކުރުމަށް އެތަން ގޮއްވަން ޖެހުމުގެ މައްސަލަ ކަމަށް ވިދާޅުވިއެވެ. އެއީ މިހާރު އެތާގައި ތޮށި ލެވިފައިވާ ބަދަރުގެ އިންންފްރާސްޓަކްޗާތަކެއް ހުރެ، ގޮއްވުމުގެ ސަބަބުން ނުކުމެދާނެ މައްސަލަތައް ކަމަށެވެ. އެ މައްސަލަތަކަށް ފަންނީ ހައްލެއް ނުލިބިގެން މަސައްކަތް ކުރިޔަށް ނުގެންދެވި އޮތްކަމަށް ވިދާޅުވިއެވެ. ކަަމަށް ވިދާޅުވިއެވެ.
ފުވައްމުލަކު ބަނަދަރުގެ ދެން އޮތް މައްސަލައަކި ބޭރު ތޮށިމަތިން އެތެރެއަށް ރާޅު ޖެހުމެވެ. މީގެ ކުރިން އެއްފަހަރު ބެރު ތޮށި އިސްކޮށްފައި ވެސް ވެއެވެ. ނަމަވެސް މަތިން ރާޅުޖެހުން ކޮންޓްރޯލެއް ނުކުރެވުނއެވެ. އެއާއެކު ބަނަދުގެ ބޭރު ތޮށި ބައެއް ދުވަސްވަރުގައި ބޭނުންނުކުރެއެވެ. ފުވައްމުލަކު ބަނދަރުގެ ބޭރު ތޮށިން ރާޅުޖެހުމުގެ މައްސަލަކީ ބަނަދރު ހުޅުވި، 2003 ވަނަ އަހަރުއްސުރެން ހައްލުނުކުރެވި އޮތް މައްސަލައެއް ކަމަށެވެ. އަދި ބަނދަރު ހުޅުވި އިރުވެސް ބަނދަރު ކުޑަވެގެން ބޮޑުކުރަން ޖެހޭނެ ދުވައެއްވެސް އޮތްކަން އެނގޭކަމަށް ވިދާޅުވިއެވެ.
މިއަދުގެ ޖަލްސާގައި ޕްލޭނިން މިސްޓަރު އަސްލަމު ވިދާޅުވީ ބޭރުތޮށިން ރާޅުޖެހުމުގެ މައްސަލަ ހައްލުކުރަން ވިސްނާފައި ވަނީ ބަނދަރުގެ ބޮޑުކުރުމުގެ މަސައްކަތާއެކު ކަމަށްވުމުން އެކަމަސައްކަތް ވެސް ނުފެށި އޮތީކަމަށެވެ.
ޚިޔާލުތައް
Fvm bandharu project manager ahkah huree aslam. Denmark in kandaelhi 15million pound ge thereinn 2 million pound ah vee gothaai size ah badhalu ah iss kuda vee laari nethigeno bunaathi adu ahan
Thiya aslam Kate neylhethee nuvegen ulhenee