މުހައްމަދު ޝިހާބް ހުނަރުވެރިކަން އިތުރުކުރުމަށް އައު ކޯހަކާއި މިންގަނޑުތަކެއް މޯލްޑިވްސް ނޭޝަނަލް ސްކިލްސް ޑިވެލޮޕްމަންޓް އޮތޯރިޓީ (އެމްއެންއެސްޑީއޭ) އިން މިއަދު ނެރެފިއެވެ.
މިއަދު މާލޭ، ހޮޓެލް ޖެންގައި ބޭއްވި ރަސްމިއްޔާތެއގައި މިމިންގަޑުތައް އިފުތިތާހުކޮށްދެއްވީ ތިމާވެއްޓާއި ބެހޭ މިނިސްޓަރު އާމިނަތު ޝިއުނާއެވެ. މިރަސްމިއްޔާތުގައި މަތީތައުލީމާއި ބެހޭ ވަޒީރު ޑރ. އިބްރާހިމް ހަސަން އާއި، ޢެޑިއުކޭޝަން މިނސްތަރު ޑރ. އާއިޝަަތު އަލީގެ އިތުރުން އެމްއެއެސްޑީއޭ ސީއީއޯ އަހުމަދު ނަޝީދު ބައިވެރިވެ ވަޑައިގެންފައި ވެއެވެ.
މުޅި ރާއްޖޭގައި އުފެދޭ ހުރިހާ ކުންޏެއް ރައްކާތެރި ގޮތުގައި މެނޭޖް ކުރުމަށް ހުނަރުވެރި ދިވެހިން އުފައްދަން ބޭނުން ވާކަމަށާއި ކޮންމެ ރަށެއްގެ ކޮންމެ ކައުންސިލެއްގައި މިކަން ކުރާނެގޮތުގެ މައުލޫމާތުގެ އިތުރުން، މިކަން ކުރާނެ ވޯކްފޯސްއެއް އުފެދެން ޖެހޭކަމަށްވެސް މިނިސްޓަރު ޝައުނާގެ ވާހަކަފުޅުގައި ވިދާޅުވިއެވެ.
ވޭސްޓް ޓް ވެލްތު ސްޓޭންޑާޑް ނެރުމުގެ ރަސްމިއްޔާތު މިއަދު – ހޮޓެލް ޖެންގައި
މިއަދު އިފުތިތާޙު ކުރެވުނީ އުކާލެވޭ ކުނިން ފައިދާހުރި ތަކެތި އުފެއްދުމަށް ޚާއްސަ ކޯހެކެވެ. މިކޯހާއި އެކު ތަމްރީނު ޕެކޭޖާއި، ކޯހުގެ ފެވަންރު ވަޒަންކުރާ މިންގަޑުތަކާއި، މުޤައްރަރާއި، އެސަސްމަންޓް ރިސޯސް ފޮތާއި، މިބަިއތައް ކިޔެވުމަށްބޭނުންވާ ބައިތަކާއި ދަރިވަރުންގެ ލޮގްފޮތް ހިމެނޭކަން މިޖަލްސާގައި ވާހަކަ ދައްކަވުން މިނިސްޓަރ އޮފް ހަޔަރ އެޑިޔުކޭޝަން ޑރ. އިބްރާހީމް ހަސަން ވިދާޅުވިއެވެ. “ވޭސްޓް ޓު ވެލްތު” ޓްރޭނިންގް ޕެކޭޖަކީ ޓެކްނިކަލް އެންޑް ވޮކޭޝަނަލް ޓްރެއިނިންގ ހިންގުމަށްޓަކައި އެމް.އެން.އެސް.ޑީ.އޭ. އިން އުފެއްދި 104 ވަނަ ޓްރޭނިންގް ޕެކޭޖް ކަމަށް އެ އޮތޯރިޓީއިން ހާމަކުރައްވައެވެ.
ފާއިތުވި 2021 ވަނަ ހއަރު މޭމަހު 16 ވަނަ ދުވަހު ވުޖޫދުވި ދިވެހިރާއްޖޭގެ މަތީތަޢުލީމުގެ ޤާނޫނުން އުފެދިގެންއައި އެމްއެންއެސްޑީއޭގެ މަސްއޫލިއްޔަތުގެ ތެރޭގައި ހުނަރުގެ ތަޢުލީމާއި ތަމްރީނުގެ ނިޒާމު ތަރައްޤީކޮށް، ރެގިއުލޭޓުކުރުން ހިމެނެއެވެ.
މި ކޯސް ފުރިހަމަކުރުމުން އާމްދަނީއެއް ހޯދުމަށް ކުރާނެ މަސައްކަތެއް ފަސޭހައިން ލިބުމުގެ އިތުރަށް ކުނި މެނޭޖްކޮށް ވެށީގެ ސާފުކަން ކަށަވަރުކުރުމަށް ބޭނުންވާ ހުނަރު ބައިވެރިންގެ ކިބައިގައި އަށަގެނުވިގެން ދާނެކަމަށް ވެއެވެ. މި ސްޓޭންޑާޑްގެ ދަށުން ކުނިން އާމްދަނީ އުފެއްދުމާއި ކުނި މެނޭޖުކުރުމުގެ މަސައްކަތަށް ބޭނުންވާ ހުނަރާއި އިލްމު އަދި މަސައްކަތުގެ އަޚްލާގު ހުންނާންވީ ފެންވަރު ކަނޑައެޅިފައިވާ ކަމަށާއި ތަމްރީނުން ފާސްވާ ފަރާތްތަކަށް މޯލްޑިވްސް ކޮލިފިކޭޝަން އޮތޯރިޓީ ޤަބޫލްކުރާ ޤައުމީ ސަނަދެއް ދެވޭނެ ކަމަށްވެސް ސީއީއޯ ނަޝީދު ވިދާޅުވިއެވެ.
މިއީ ވޯލްޑް ބޭންކުގެ މާލީ އެހީގައި ހިންގާ މޯލްޑިވްސް އެންހޭންސިން އެންމްޕްލޯޔަބިލިޓީ އެންޑް ރިޒިލިއަންސް (މީރީ) ޕްރޮޖެކްޓުގެ ދަށުން މޯލްޑިވްސް ނޭޝަނަލް ސްކިލްސް ޑިވެލޮޕްމަންޓް އޮތޯރިޓީ އިން އެކުލަވާލި ވޭސްޓު ޓު ވެލްތު ޓްރޭނިންގް ޕެކޭޖް ގައި ހިމެނޭ ސްޓޭންޑާޑެވެ.
ޚިޔާލުތައް