މުހައްމަދު ޝިހާބް މިއަދުން (1 އޭޕްރީލް) ފެށިގެން ކާޑުގެ ބާވަތްތަކުގެ އަގޮ ހެޔޮކޮށް އެސްޓީއޯގެ ފިހާރަތަކުން ލިބެން ހުންނާނެއެވެ. މިއީ ރައީސް އިބްރާހިމް މުހައްމަދު ސޯލިޙުގެ ސަރުކާރުން ކާޑުގެ އަގުތައް ހެޔޮކުރުމުގެ ގޮތުން އެޅި ދެވަނަ ފިޔަވަޅެވެ. މީގެ ކުރިން ވަނީ މާލޭގައި ކާޑުގެ ބާވަތްތައް ވިއްކާ އަގަށް އަތޮޅުތަކުގެ ތެރެއިން ވެސް ކާޑުގެ ބާވަތްތައް ލިބޭނެ ގޮތް ހަމަޖައްސަވާފައެވެ.
ސަރުކާރުގެ މައި ކުންފުނި އެސްޓީއޯއިން މިއަދުން ފެށިގެން ހަނޑުލާއި ހަކުރުގެ އަގު ވަނީ ހެޔޮކޮށްފައެވެ. މިއީ ރައީސް ޔާމީނުގެ ސަރުކާރުން ކާޑުގެ އަގު ބޮޑުކޮށްފައި އޮތް އޮތުން ބަދަލުކޮށްލައި ރައްޔިތުން އެދިއެދި ތިބި ހެޔޮ ބަދަލެއްކަން ވަނީ ހާމަވެފައެވެ.
ކުރިން: ހަނޑޫ ބަސްތާއެއް 240 ރުފިޔާ، އަދި ހަނޑޫ ކިލޯއެއް 4.8 ރުފިޔާ.
މިހާރު: ހަނޑޫ ބަސްތާއެއް 199 ރުފިޔާ، އަދި ހަނޑޫ ކިލޯއެއް 3.98 ރުފިޔާ.
ކުރިން: ހަރުކުރު ބަސްތާއެއް 241 ރުފިޔާ، އަދި ހަކުރު ކިލޯއެއް 4.82 ރުފިޔާ.
މިހާރު: ހަރުކުރު ބަސްތާއެއް 200 ރުފިޔާ، އަދި ހަކުރު ކިލޯއެއް 4.82 ރުފިޔާ.
ކުރިން: ފުށް ބަސްތާއެއް 190 ރުފިޔާ، އަދި ފުށް ކިލޯއެއް: 4.00 ރުފިޔާ ލިބެއެވެ.
މިހާރު: ފުށް ބަސްތާއެއް 149 ރުފިޔާ، އަދި ފުށް ކިލޯއެއް: 2.98 ރުފިޔާ ލިބެއެވެ.
މިއަދުން ފެށިގެން ކާޑުގެ ބާވަތްތަކުގެ އަގުހެޔޮކޮށްފި
މިއަދުން ފެށިގެން ރާއްޖޭގެ ކޮންމެ ރަށަކުން ވެސް މިއަގުގައި ކާޑު ވިއްކުމަށް ސަރުކާރުން ނިންމައި އެސްޓީއޯއިން ވަނީ އޭޖެންޓުން ކަނޑައަޅާފައެއެވެ. މިއަށްވުރެ ބޮޑު އަގެއްގައި ކާޑު ދެން ނުވިއްކޭނެއެވެ. އަދި އެސްޓީއޯއިން އެކަން ބަލަމުން ދާނެއެވެ.
މިއީ މިސަރުކާރުން އެންމެހާ ރައްޔިތުންގެ މެދުގައި ހަމަހަމަކަން ގާއިމުކުރުމަށް ކުރާ މަސައްކަތުގެ ހެއްކެއް ކަމަށް ސަރުކާރަށް ތާއިދު ކުރާ މީހުން ބުނެއެވެ.
ދައުލަތުން ސަބުސިޑީ ދީގެން ވިއްކާ ހަނޑޫ، ހަކުރު، ފުށުގެ އަގު މީގެކުރިން އަތޮޅު ތަކުގެ ރައްޔިތުންނަށް އޮންނަނީ ބޮޑުކޮށެވެ. އެއީ ކާޑުގެ ބާވަތްތައް ރަށްރަށަށް ގެންދިއުމަށް އިތުރަށް ޚަރަދު ހިނގާތީ ކަމަށް އެސްޓީއޯއިން ކުރިން އައީ ބުނަމުންނެވެ.
ނަމަވެސް އެއީ އަތޮޅު ތަކުގެ ތަރައްޔިތުންނަށް ބަލައިގަނެވޭ ކަމަކަށް ނުވެއެވެ. އެހެނީ ސަރުކާރުގެ މައި ކުންފުނިން ރައްޔިތުންނަށް ކާޑު ވިއްކަނީ ދައުލަތުގެ ބަޖެޓުން އެއަށް ޚަރަދުތަކެއް ކޮށްގެން ކަމަށްވާއިރު ދައުލަތަށް ލިބޭ އާމްދަނީއަކީ އެންމެހާ ރައްޔިތުން އަތުން އެއް އުސޫލަކުން އެއްވަރަށް ނެގޭ އެއްޗަކަށް ވީހިނދު ދައުލަތުން ވިއްކާ އެއްޗެއްވެސް ވިއްކަން ވާނީ އެންމެހާ ރައްޔިތުންނަށް އެއްއަގެއްގައި ކަމަށް ގަބޫލުކުރާތީއެވެ.
އެއީ އަތޮޅުތަކުގެ ރައްޔިތުންނަށް ވިޔަސް އަދި މާލޭގެ ރައްޔިތުންނަށް ވިޔަސް ހަމަހަމަ ވާން ޖެހޭނެއެވެ. އަތޮޅުތަކަށ ްިތުރު ޚަރަދެއް ދަންޏާ އެބަިއ ހަމަކުރަން ޖެހޭނީ ދައުލަތުގެ ސަބްސިޑީގެ ތެރެިއން ކަމަށް އަތޮޅުތަކުގެ މީހުން ގަބޫލުކުރެއެވެ.
އިޖުތިމާޢީ އެހެން ވިސްނުމަކުން ބަލާއިރު އަތޮޅުތަކުގެ ރައްޔިތުންނަށް އަގު ހެޔޮވާން ޖެހެއެވެ. އެއީ އިގުތިސާދީގޮތުން އަތޮޅުތަކުގެ ރައްޔިތުންގެ މާލީ ތަނަވަސްކަން ދަށް ކަމަށް ވާތީ ދެވޭ ޚާއްސަ އިނާޔަތެއްގެ ގޮތުންނެވެ.
ރައީސް އިބްރާހިމް މުހައްމަދު ސޯލުޙު މިވަނީ އަތޮޅުތަކުގެ ރައްޔިތުންގެ އަޑުއައްސަވާ މާލެއެކޭއެއް އަގެއްގައި އަތޮޅު ތަކުން ވެސް ކާޑު ލިބޭގޮތް ހަމަޖައްސަވާފައެވެ. އަދި މިހާތަނަށް ސަރުކާރަކުން ކާޑުގެ އަގު ހެޔޮ ނުކުރާ ވަރަށް ކަޑުގެ އަގު ހެޔޮކޮށް ދެއްވާފައެވެ.
ޚިޔާލުތައް