މުހައްމަދު ޝިހާބް މޯލްޑިވްސް އެސޯސިއޭޝަން ފޯރ ފިޒިލްކަލް ޑިސެބިލިޓިސް (އެމްއޭޕީޑީ) އިން ފުވައްމުލައް ސިޓީގައި ތެރަޕިއުޓިކް މެޑިކަލް ކޭމްޕެއް ކުރިޔަށް އެބަގެންދެއެވެ. އިއްޔެ ފެށި މި މެޑިކަލް ކޭމްޕް ކުރިޔަށް ދަނީ ހާފިޒު އަހުމަދު ސްކޫލުގެ ގޯތިތެރޭގައެވެ. ބައިނަލް އަގުވާމީ ޖިސްމާނީ ނުކުޅެދުންތެރިކަން ހުންނަ މީހުންގެ ދުވަހާއި ގުޅުވައިގެން ބޭންކްއޮފް މޯލްޑިވްސްގެ އެހީގައި ކުރިޔަށް ގެންދާ މިމެޑިކަލް ކޭމްޕްގައި އެއިމްސް ޑައިގޮނޯސްޓިކް ސެންޓަރާއި ފުވައްމުލަކު ހޮސްޕިޓަލުގެ ޑޮކްޓަރުން ބައިވެރިވާ ކަމަށް މައުލޫމާތު ލިބެއެވެ.
އިއްޔެ ފެށި މިމެޑިކަލް ކޭމްޕް ނިމޭނީ މިއަދު ހަވީރު އެވެ.
މިކޭމްޕްގައި އެއިމްސް ޑައިގޮނޯސްޓިކް ސެންޓަރުގެ ސްޕެޝަލިސްޓް ޑޮކްޓަރުންގެ ޚިދުމަތް ލިބިގެންދިޔަ
އިއްޔެ ކުރިޔަށް ގެންދެވުނު ހަރަކާތްތަކަށް ބަލާއިރު ދުޅަހެޔޮ ސިއްހަތެއްގައި ނުކުޅެދުންތެރިކަން ހުންނަ މީހުން އުޅޭނު ގޮތުގައި މައުލޫމާތު ދިނުމާއި، އެކި ދާއިރާތަކުން ސްޕެެޝަލިސްޓް ޑޮކްޓަރުން މީހުން ބެލުމާއި، ނުކުޅެދުންތެރިކަން ފާހަގަވާ މީހުންނަށް އެކިއެކި ތެރަޕީ ދޭނެ ގޮތުގެ މައުލޫމާތު ދިނުން ހިމެނެއެވެ. މިކަމުގައި އިސްކޮށް އުޅުއްވީ އެއިމްސް ޑައިގްނޯސްޓިކް ސެންޓަރައި ފުވައްމުުލައްކު ހޮސްޕިޓަލް އަދި ސެނެހިޔާ ހޮސްޕިޓަލުގެ ޑޮކްޓަރުންނެވެ. ދަތުގެ ބަލިތަކާއި އެތެރެހަށީގެ ބަލިތަކާއި، އަންހެނުންގެ ޚާއްސަ ކަންކަމާއި، އާއްމު ބަލިތަކާއި ގުޅޭ ޑޮކްޓަރުން ބައްލަވައި އިރުޝާދު ދިނުން ކުރިޔަށް ގެންގޮސްފައިވާ ކަމަށް މައުލުމާތު ލިބެއެވެ.
މިއަދުގެ ހަރަތާކްތަކުގެތެރޭގައި ހެނދުނު 8:00 ފެށިގެން އިރުއްސި 6:00 އަށް އެއިމްސްގެ ސްޕެޝަލިސްޓް ޑޮކްޓަރުން ހިލޭ މީހުން ބަލަމުން ގެންދާނެއެވެ. އަދި މޯލްޑިވްސް ޕޮލިސް ސާރވިސްގެ އެހީއާއެކު އެމްއޭޕީޑީން ޓީމް ބިލްޑިން ހަރަކާތްތަކެއް މެންދުރު ފަހު ކުރިޔަށް ގެންދިއުމަށް ވަނި ހަމަޖެހިފައެވެ. އަދި ހަވީރު ދިރާގުގެ އެހީގައި ޚާއްސަ ކުޅިވަރު ހަރަކާތްތަކެއް ކުރިޔަށް ގެންދިއުމަށް ރޭވިފައި ވެއެވެ.
މި މެޑިކަލް ކޭމްޕްގައި ޖިސްމާނީ ނުކުޅެދުންތެރިކަން ހުންނަ މީހުންނަށް ތެރަޕީ އާއި އާއްމު ދިރިއުޅުން ކުރިރިޔަށް ގެންދާނެ ގޮތުގެ މައުލޫތު ދެވިފައި ވެއެވެ. އާއްމުކޮށް ހުޅުވާލައިގެން، ހިލޭސާބަހަށް ކުރިޔަށް ގެންދެވޭ މިހަރަކާތަށް ފުވައްމުލައް ސިޓީ ކައުންސިލާއި ޖީއެން ވޮލަންޓިއަރސްގެ އެހީތެރިކަން ވެސް ލިބެމުން އަންނަކަން އެމްއޭޕީޑީން ފާހަގަ ކުރައްވައެވެ.
މިފަދަ ހަރަކާތެއްގެ ސަބަބުން ފުވައްމުލައް ސިޓީގައި ސްޕެޝަލިސްޓް ޑޮކްޓަރުންގެ ފަރުވާ ހޯދަން ދަތިވެފައިވާ ފަރާތްތަކަށް ފަސޭހަކަމާއެކު ފުރުސަތު ލިބެގިންދާނެ ކަަމަށް ގަބޫލުކުރެވެއެވެ.
ޚިޔާލުތައް