އަހުމަދު ނިޖާހް ފުވައްމުލަކުގައި ބައިނަލް އަގުވާމީ އަންހެނުންގެ ދުވަސް ފާހަނގަކުރުމުގެ ގޮތުން ހާއްސަ ހަރަކަތްތަކެއް ހިންގައިފިއެވެ.
މާރޗް 8 ގައި ފާހަނގަކުރާ ބައިނަލް އަގުވާމީ އަންހެނުންގެ ދުވަސް ފާހަނގަކުރުމުގެ ގޮތުން ފުވައްމުލަކު އަށް އަންހެނުންގެ ތަރައްގީއަށް މަސައްކަތްކުރާ ކޮމެޓީއިން ބައިސްކަލް ބުރެއް ބާއްވާފައިވައެވެ. ގިނަ އަދަދެއްގެ އަންހުން ބައިވެރިވި ބައިސްކަލް ބުރު އޮތީ އިއްޔެ ހަވީރު 4:30 ގައި މާނޭރެ މަގުން ބަނދަރަށެވެ.
އަންހެނުންގެ ދުވަސް ފާހަނގަކުރުމުގެ ސުކޫލްތަކުގައިވެސް ހަރަކާތްތަކެއް ހިންގާފައިވެއެވެ. އެގޮތުން ފުވައްމުލަކު ސުކޫލް (އެފްއެސް) ގައި ދުވަހާއި ގުޅޭ އެސެމްބްލީއަކާއި ޕީޓީއޭ އަށް ފައިސާ ހޯދުމުގެ ހަރަކާތެއް ހިންގާފައިވެއެވެ. ހާފިޒް އަހްމަދު ސުކޫލް (ހޭޒް) ގައި ދުވަހާއި ގުޅޭ ގޮތުން އެސުކޫލްގެ ގާލްގައިޑުންގެ ހަރަކާތްތަކެއް ހިންގާފައިވެއެވެ. އަދި ޕީޓީއޭ އަށް ފައިސާ ހޯދުމުގެ ހަރަކާތެއް ހިންގާފައިވެއެވެ. އެމްޖޭއެމްގައިވެސް ދުވަހާއި ގުޅޭ ހާއްސަ އެސެމްބްލީ އެއްބޭއްވުމާއި އަންހެނުންގެ ދުވަހާއި ގުޅުވައިގެން ބޭއްވި ކުރެހުމުގެ މުބާރާތުން ވަނަތަކަށް ހޮވުނު ދަރިވަރުންނަށް ސެޓްފިކެޓްދީފައިވެއެވެ.
ފުވައްމުލަކު އަތޮޅު ކައުންސިލުން އަންހެނުންގެ ދުވަސް ފާހަނގަކޮށްފައިވަނީ ރޭ ފެށި އަންހެނުންގެ ފުޓްސަލް މުބާރާތަކުންނެވެ. މިމުބާރާތުގައި ރޭ ދެމެޗްކުޅެފައިވެއެވެ. މިމުބާރާތުގައި ވާދަކުރަނީ ދަޑިމަގު، ހޯދަޑު، މިސްކިތްމަގު އަދި ފުނާޑު އިންނެވެ.
ފުވައްމުލަކުގައި ކޮންމެ އަހަރަކުވެސް ސުކޫލްތަކުންނާއި އަންހެނުންގެ ތަރައްގީއަށް މަސައްކަތްކުރާ ކޮމެޓީ އިން ހަރަކާތްތަކެއް ހިންގާކަން ފާހަނގަކުރެވެއެވެ.
ޚިޔާލުތައް