މުހައްމަދު ޝިހާބް މިއަހަރުގެ ޤައުމީ އެންޓި-ކޮރަޕްޝަން ދުވަސް ފާހަގަކުރުމުގެ ގޮތުން ހަފުތާއެއްގެ މުއްދަތަށް ފުވައްމުލަކުގައި ކުރިޔަށް ގެންދާ ހަރަކާތްތަކުގެ ތެރެއިން މިއަދު ބޭއްވުމަށް ހަމަޖެހިފައިވާ ކުއިޒް މުބާރާތް ހާފިޒު އަހުމަދު ސްކޫލުގައި ފަށައިފިއެވެ. މިފަދަ މުބާރާތެއް ބޭއްވުމުގެ މަގުސަދަކީ ދަރިވަރުންގެ މެދުގައި ނަޒާހަތްތެރިކަން އިތުރުކޮށް ކޮރަޕްޝަނާ ދެކޮޅަށް މަސައްކަތް ކުރުމުގެ ރޫޙް އާލާކުރުން ކަމުގައި އެންޓި ކަރަޕްޝަން ކަމިޝަނުން ހާމަކުރެއެވެ.
ހަމަ އެކަނި ފުވައްމުލަކުގެ ސްކޫލްތަކަށް އަމާޒުކޮށްގެން ކުރިއަށްގެންދާ މި މުބާރާތުގައި ފުވައްމުލަކުގެ ބޮޑު 4 ސްކޫލެއް ކަމަށްވާ އެމްޖޭއެމް (މަދަރަސަތުއް ޝައިޚް މުޙައްމަދު ޖަމާލުއްދީން)، ޏ. އޭއީސީ (ޏ.އަތޮޅު ތަޢުލީމީ މަރުކަޒު)، އެފްއެސް (ފުވައްމުލަކު ސްކޫލް) އަދި އަދި ހޭޒް (ހާފިޒް އަޙްމަދު ސްކޫލް)، ކޮންމެ ސްކޫލަކުން 5 ބައިވެރިންގެ ޓީމަކުން ވަދަކުރެއެވެ.
ކޮންމެ ޓީމެއް އެހެން ހުރިހާ ޓީމަކާއި ވާދަކުރާ ގޮތަސް ކުރިޔަށް ގެންދާއިރު، ކޮންމެ ވާދަކުރުމެއްގައި ވެސް 3 ބުރަށް ސުވާލުތައް ކުރެވޭގޮތަށް ވަނީ ހަމަޖެހިފައެވެ. ހަމައެކަނި މިއަދު ކުރިޔަށް ގެންދެވޭ މި މުބާރާތް ނިމޭއިރު މުޅި މުބާރާތުގެ 1 އަދި 2 ވަނަ ސްކޫލާއި، މުޅި މުބާރާތުގެ 1 ވަނަ ދަރިވަރު ހޮވުމަށް ވަނީ ހަމަޖެހިފައެވެ.
މިއަދު ހެންދުނު މުބާރާތް ރަސްމީކޮށް ފައްޓަވާދެއްވީ ހޭޒްގައި ބޭއްވި ޚާއްޞަ ރަސްމިއްޔާތުގައި އެންޓިކޮރަޕްޝަން ކަމިޝަނުގެ މެމްބަރު އަލްފާޟިލާ އާމިނަތު މިންނާއެވެ.
މިއަދު ހެންދުނު ފުވައްމުލަކު ސްކުލުގަިއ ވަނީ މިދުވަހާއި ގުޅުވައިގެން ގުރުއާން މުބާރާތެއް ވެސް ފަށާފައެވެ.
ގުޅޭ ލިޔުން: އެންމެ ފުރަތަމަ ނަޒާހަތްތެރި ވާންޖެހެނީ އޭސީސީ – އެމްޑީޕީ ފުވައްމުލަކު އުތުރު ދާއިރާގެ ރައީސް ސައީދު
ޚިޔާލުތައް