މުހައްމަދު ޝިހާބް މިއަދު (11 މެއި 2020) އިން ފެށިގެން ފުވައްމުލަކު އެއާޕޯޓަށް ވަދެވޭނީ މާސްކް އަޅައިގެން ކަމަށް ފުވައްމުލަކު އެއާޕޯޓުން ހަމަޖައްސައިފިއެވެ. މިއަދު ނެރުނު އާއްމު ދެންނެވުމުގައި ވާގޮތަން މިއަދުން ފެށިގެން މާސްކް ނާޅާ މީހުން އެއާޕޯޓަކަށް ނުވައްދާނެއެވެ.
މިއީ ކޮވިޑް-19 އިން ރައްޔިތުން ސަލާމަތްކަމާއި ރައްކާތެރިކުރުމުގެ ގޮތުން އަޅާފައިވާ ފިޔަވަޅެއް ކަމަށް ހާމަކޮށްފައި ވެއެވެ. އަދި މިދެންނެވުޟާއި އެއްގޮތަސ ްހުރިހާ ފަރާތެއްގެ ވެސް އެއްބަރުލުން ދެއްވުމަށް އެދިފައި ވެއެވެ.
މިދުވަސްވަރު ފުވައްމުލަކު އެއާޕޯޓަށް އާއްމު ދަތުރުތަކެއް ނޯވެއެވެ. ނަމަވެސް ކޮންމެ ހޯމަ ދުވަހަކު ޚާއްސަ ކާގޯ ފްލައިޓެއް އަންނަނީ ބާއްވަމުންނެވެ. އެކާގޯ ފްލައިޓުން މުދާ ފޮނުވާ ފަރާތްތަކާއި މުދާ ބަލާ ދާފަރާތްތަކުން އެއާޕޯޓަށް ވަންނަން ޖެހެއެވެ. ވުމާއެކު މިއަދުން ފެށިގެން އެފަދަ ފަރާތްތަކަށް އެއާޕޯޓަށް ވަދެވޭނީ ފޭސްމާސްކް އަޅައިގެންނެވެ.
މިއަދު އޮންނަ ކާގޯ ފްލައިޓުން މާލެއަށް މުދާ ފޮނުވުމަށް ނަން ނޯޓުކޮށްފައިވާ ފަރާތްތަކުން، މިއަދު ހެނދުނު 8:30 އާއި 9:30 އާއި ދެމެދު ތަކެތި އެއާޕޯޓަށް ގެނދިއުމަށް ސިޓީ ކައުންސިލުން ވަނީ އާއްމުކޮށް އަންގާފައެވެ.
ފުވައްމުލަކުން މާލެ ފޮނުވާ ޚާގޯ މުދާ ލިބޭނީ ހަވީރު 4؛00 އާއި 5:30 އާއި ދެމެދު އަދި ރޭގަނޑު 8:00 އާއި 10:30 އާއި ދެމެދުގައި ކަމަށް ވަނީ އިއުލާން ކޮށްފައެވެ. މިވަގުތު މާލެއި ފުރަބަންދުކޮށްފައި ވުމާއެކު ތަކެތި ބަލާ ދާން ޖެހޭނީ ކަމާއި ގުޅޭ ފަރާތުން ހުއްދހޮދައިގެންނެވެ.
ޚިޔާލުތައް