ސާއިމް މޫސާ ފުވައްމުލަކު ސިޓީ ކައުންސިލުން ހިންގަމުންދާ މިސްކިތްތަކުގައި ސޯލާ ޕެނަލް ހަރުކުރުމުގެ މަޝްރޫޢު މިހާރު ފެށިގެން ކުރިއަށް އެބަދެއެވެ. މި މަޝްރޫޢުގެ ދަށުން މިހާތަނަށް ދެ މިސްކިތެއްގައި ސޯލާ ޕެނަލް ހަރުކުރުމުގެ މަސައްކަތް ވަނީ ނިމިފައެވެ.
ކައުންސިލުން މަޢުލޫމާތު ދެއްވިގޮތުގައި، މިހާތަނަށް މަސްޖިދުއްސަލާމް އަދި މަސްޖިދުއްތައުބާގައި ސޯލާ ޕެނަލްތައް ވަނީ ހަރުކުރެވިފައެވެ. އަދި މިވަގުތު މަސައްކަތް ކުރިއަށްދަނީ މަސްޖިދުލް އިޙްސާން އަދި މަސްޖިދުއްސަލާމްގައެވެ. މި މަޝްރޫޢުގެ ދަށުން ޖުމްލަ 10 މިސްކިތެއްގައި ސޯލާ ޕެނަލް ހަރުކުރުމަށް ވަނީ ހަމަޖެހިފައެވެ.
މި މަސައްކަތަކީ ކައުންސިލްގެ ބަޖެޓުން ޚަރަދުކުރާ ގޮތަށް، 2,795,743.88 ރުފިޔާ (ދެ މިލިއަން ހަތްސަތޭކަ ނުވަދިހަ ފަސްހާސް ހަތްސަތޭކަ ސާޅީސް ތިން ރުފިޔާ އަށްޑިހަ އަށް ލާރި) އަށް އަވި ޓެކްނޮލޮޖީސް ޕްރައިވެޓް ލިމިޓެޑާ ހަވާލުކޮށްގެން ކުރިއަށްގެންދާ މަޝްރޫޢެކެވެ.
ފުވައްމުލަކު ސިޓީ ކައުންސިލުން ވިދާޅުވިގޮތުގައި މި މަޝްރޫޢުގެ ސަބަބުން ފުވައްމުލަކު ސިޓީގެ މިސްކިތްތަކުގެ ކަރަންޓު ޚަރަދު ކުޑަވެ، ތިމާވެއްޓާ ރައްޓެހި ހަކަތަ ބޭނުންކުރުމަށް މަގުފަހިވެގެންދާނެއެވެ. މީގެއިތުރުން، މި މަޝްރޫޢަކީ ކޮންޓްރެކްޓަރ ފައިނޭންސް އުސޫލުން ކުރިއަށްގެންދާ މަޝްރޫޢެއްކަން ވެސް ފާހަގަކޮށްލެވެއެވެ
ޚިޔާލުތައް