އިބްރާހިމް ލަތީފް މާލޭގެ ރާޅުގަނޑު ސަރަހައްދުގައި ކުރިއަށްދާ ބައިނަލް އަގްވާމީ ރާޅާއެޅުމުގެ މުބާރާތެއްކަމަށްވާ ވިޒިޓް މޯލްޑިވްސް ޕްރޯ 2022ގެ ޖޫނިއާ ބައިގެ ސެމީ ފައިނަލުން ފުވައްމުލަކު ޒުވާން ދެ ބޮޑީ ބޯޑަރުންކަމަށްވާ ޝިމާލް ޝަމީމް (ޝިމައްލެ) އާއި ޖަރީޝް ޖިހާދު ސެމީ ފައިނަލުން ބަލިވެ މުބާރާތާއި އަލްވަދާއު ކިޔައިފިއެވެ.
ރާއްޖޭގެ ޖޫނިއާ ބޮޑީ ބޯޑިން ޗެމްޕިއަން ޝިމާލް ޝަމީމު (ޝިމައްލެ) ސެމީ ފައިނަލުން ކަޓާފައިވަނީ އާމިން މޫސާއާއި ވާދަކޮށް 0.5 ގެ ކުޑަ ތަފާތަކުންނެވެ. ޝީމައްލެ އަށް އެ ހީޓުން 7.0 ސްކޯ ކުރެވުނު އިރު އާމިން 7.50 ސްކޯކުރިއެވެ. ހީޓުގެ ފަހުކޮޅުގައި ޝިމަލެއް ރަގަޅު ނަތީޖާތަކެއް ދެއްކިނަމަވެސް، ޝިމައްލެ ކަޓާފައިވަނީ ހީޓު ފެށިގެން ކުރީ ކޮޅުގައި ރަގަޅަށް ސްކޯނުކުރެވުމުގެ ސަބަބުންނެވެ. ހީޓުގެ ފަހު 10 މިނިޓުގައި ޝިމައްލެވަނީ ރަގަޅު ނަތީޖާތަކެއް ނެރެފައެވެ.
ޖަރީޝް ސެމީ ފައިނަލުން ކަޓާފައިވަނީ މުބާރާތުގައި ރަގަޅު ނަތީޖާތަކެއް ނެރެމުންދާ ކެނެރީ އައިލެންޑްސްގެ ގެބްރިއަލް ވާދަކޮށްގެނެވެ. ގެބްރިއެލް މި ހީޓުގައި 12.25ގެ ސްކޯ އެއް ހޯދިއިރު، ޖަރީޝް އަށް ލިބުނީ 3.05ގެ ސްކޯ އެކެވެ.
ޚިޔާލުތައް