މުހައްމަދު ޝިހާބް ހަވިއްތަ ފުޓްސަލް ޗެލެންޖު 2020 ހަތަރު ވަނަ ދުވަހުގެ ކުޅުމާއެކު 3 ޓީމެއް މިވަނީ މުބާރާތުން ކެޓުމާއި ގާތުގައެވެ. ފުރަތަމަ ބުރުން ކަޓާނީ ޖުމްލަ 4 ޓީމެކެވެ. ފުރަތަމަ ބުރުން ކަޓާނެ ކަމަށް ބެލެވެނީ 0 ޕޮއިންޓާއެކު 8- ގޯލާއެކު އޮތް ދަޑިމަގު ބީޓީީ އާއި، 0 ޕޮއިންޓާއި 3- ގޯލުގައި އޮތް އެފްސީ ހޭޅިފަށޮ ޓީމުގެ އިތުރުން 0 ޕޮއިންޓާއި 1- ގޯލުގައި އޮތް ދަޑިމަގު ޓީނޭޖާސް ޓީމެވެ.
ކުއާޓާ ފައިނަލުން 4 ޓީމަކަށް ޖާގަ ޔަަގީން ވެފައިވެއެވެ. އެއީ އޭ ގްރޫޕުން 6 ޕޮއިންޓާއެކު ހޯދަޑު ސްޕޯޓްސް އާއި ގްރޫޕުން ސީ އިން 6 ޕޮއިންޓް ހޯދާފައިވާ ހޯދަޑު ސްޕޯޓްސް ޖޫނިއާގެ އާއި 4 ޕޮއިންޓާއެކު ބީ ގްރޫޕުގެ 1 ވަނާގައި އޮތް އެފްސީ ދަޑިމަގާއި 2 ވަނާގައި އޮތް އެފްސީ ފުނާޑު ޓީމެވެ. 5 ޓީމަކުން އަންނަނީ 3 ޕޮއިންޓާއެކު ކުއާޓާފައިނަލުގެ އަނެއް 4 ޖާގައަށް ވާދަކުރަމުންނެވެ. ރޭގެ މެޗުތައް ބެލުމަށް ވެސް ގިނަ ސަޕޯޓަރުންތަކެއް ހާޒިރުވެ ޓީވަރަށް ފޯރީގައި ޓީމުތަކަށް ސާބަސް ދިފައި ވެއެވެ.
ގްރޫޕްތަކުން ޕޮއިންޓް ލިބިފައިވާ ގޮތް، ބަކީ ކޮންމެ ޓީމަކަށްވެސް އޮތީ 1 މެޗު
ގުރޫޕް އޭ
ރޭ ގްރޫޕު އޭ ގައި ކުޅެވުނު މެޗުގައި ދަޑިމަގު ޓީނޭޖަސް އާއި ވާދަކޮށް ދިގުވާޑު އެފްސީ މޮޅުވީ ފަސޭހަކަމާއެކު 6-2 ގެ ނަތީޖާއިންނެވެ. މި މޮޅާއެކު ދިގުވާޑު އެފްސީ އަށް 3 ޕޮއިންޓް ލިބި ދެވަނަ ބުރުގެ އުއްމީދު ވަނީ އިތުރުވެފައެވެ. މި މެޗުގެ މޮޅު ކުޅުންތެރިޔާއަށް ދޭ ޓްރޮފީއާއި އެވާ ފްރޮންޓުން ދޭ ގިފްޓް ވައުޗާ ހަސިލުކުރީ ދިގުވާޑު އެފްސީގެ ޖާޒީ ނަމްބަރު 10 މުޙައްމަދު ވިޝާހު އެވެ.
މިގްރޫޕުގައި ދެން އެންމެ ފޯރިގަދަ ވާނީ މާދަމާ ރޭ ކުޅެވޭ ގްރޫޕުގެ ފަހުމެޗެވެ. އެމެޗުގައި ވާދަކުރާނީ ދިގުވާޑު އެފްސީ އާއި މާލެގަން އެފްސީ އެވެ. އެމެޗުން މޮޅުވާ ޓީމަކަށް ގްރޫޕުގެ ދެވަނަ ލިބުމުގެ ފުރުސަތު ބޮޑެވެ.
ދިގުާޑު އެފްސީގެ ޓީމު؛ ދެވަނަ މެޗުން 6-2 ގެ ބޮޑު މޮޅެއް ހޯދި.
މިގްރޫޕުގެ ހޯދަޑު ސްޕޯޓްސް އަށް ދެ މެޗުން 6 ޕޮއިންޓް ލިބިފައިވާއިރު މާލެގަމު ޓީމަށާއި ދިގުވާޑު ޓީމަށް ވެސް ވަނީ އެއް މެޗުން މޮޅުވެ 3 ޕޮއިންޓާއެކު ކުއާޓާފައިނަލް ގެ ޖާގަ ފަހިކޮށެއެވެ. ކޮންމެ ޓީމަަށްވެސް ދެން ބާކީ އޮތީ އެއްމެޗެވެ. މާލެގަމު ޓީމަށް އޮންނާނީ ދިގުވާޑު ޓީމުގެ މެޗެވެ. އެމެޗުން ބަލި ނުވެއްޖެ ނަމަ މުބާރާތުގައި ކުރިޔަށްދިއުމުގެ ފުރުސަތު ދެޓީމަށް ވެސް ގާތްގަޑަކަށް ޔާގީނާއި ގާތްވާނެއެވެ.
މިރޭ ކުޅޭނީ މިގްރޫޕްގެ އެންމެ ވަރުގަދަ ޓީމު ކަމަށްވާ ހޯދަޑް ސްޕޯޓްސް އާއި ގްރޫޕުގެ ފުލުގައި އޮތް ދަޑިމަގު ޓީނޭޖާސް އެވެ. ދެ މެޗުން ބަލިވެފައިވުމާއި މިރޭ އެންމެ ވަރުދަދަ ޓީމާއި ދެކޮޅަށް ފަހު މެޗު ކުޅެން ޖެހުމުން ދަޑިމަގު ޓީނޭޖަސް އަށް މުބާރާތުގައި އިތުރަށް ކުޅުމުގެ ފުރުސަތު ލިބޭނެ ކަމަކަށް ނުބެލެވެއެވެ.
ރޭގެ މެޗުތަކުގެ (11-14) މޮޅު ކުޅުންތެރިން
ގްރޫޕް ބީ
މުބާރާތުގެ 10 ވަނަ މެޗުގައި، ބީ ގްރޫޕުން މިސްކިތްމަގު އެންމެން ޓީމާއި ވާދަކޮށް އެފްސީ ދަޑިމަގެ މެޗުން މޮޅުވީ ކުރިން ލަފާކުރެފައި ވާގޮތަށް ވުރެ ބޮޑުު ތަފާތަކުންނެވެ. ދަޑިމަގު އެފްސީން ފުރަތަމަ ހާފުގައި 2 ގޯލު އަދި ދެވަނަ ހާފުގައި 3 ގޯލާއެކު ޖުމްލަ 5-1 އިން މެޗު ކާމިޔާބުކޮށް ދެވަނަ ބުރުގެ ޔަގީންކަން ހޯދިއެވެ. މި މޮޅާއެކު އެފްސީ ދަޑިމަގު ޓީމާއި އެފްސީ ފުނާޑު ޓީމަށް ވެސް ދެ މެޗުން 4 ޕޮއިންޓް ލިބުނީއެވެ. މިމެޗުގެ މޮޅު ކުޅުންތެރިޔާއަށް ދޭ ޓްރޮފީއާއި އެވާ ފްރޮންޓުން ދޭ ގިފްޓް ވައުޗާ ހޯދީ އެފްސީ ދަޑިމަގު ޓީމުގެ ޖާޒީ ނަމްބަރު 6 ހަސަން ނާވާފް އަހުމަދު އެވެ.
ދަޑިމަގު އެފްސީ އާއި މިސްކިތްމްގު އެންމެން ޓީމު ބައްދަލުކުރިމެޗު 6-2.
މިޕްރޫޕްގައި ހިމެނޭ ޓީމުތަކަށް ބަލާއިރު އެފްސީ ދަޑިމަގު އާއި މިސްކިތްމަގު އެންމެން ޓީމުގެ އިތުރުން ފުނާޑު ޓީމަކީ މިއިން ކޮންމެ އަވަށެއްގެ ވެސް 1 ވަނަ ޓީމުގެ ގޮތުގައި ބެލެވޭ ޓީމުތަކަށްް ވުމުން ގްރޫޕު މެޗުތަކުގެ ފޯރިވެސް ގަދައެވެ. އަދި މިއީ މުބާރާތުގެ އެންމެ ވަދަވެރި ގްރޫޕެވެ. ނުވަތަ ގްރޫޕް އޮފް ޑެތުއެވެ.
މިގްރޫޕުގައި މިރޭ ކުޅޭ މިސްކިތްމަގު އެންމެން ޓީމާއި ފުނާޑު އެފްސީ މެޗުގެ ފޯރި ގަދަވާނެކަމަށް ބެލެވެއެވެ. އެއްއގޮތުން އެއީ ޑާބީ މެޗެކެވެ. އަނެއްގޮތުން ފޯރިގަދަވަނީ މިރޭގެ މެޗުން މޮޅުވާ ޓީމަކަށް ދެވަނަ ބުރުގެ ޔަގީންކަން ބޮޑުވާނެތީއެވެ. މިއީ މިރޭ ކުޅޭނެ އެންމެ ފޯރި ގަދަވާނެ މެޗެއްކަމަށް ބެލެވެއެވެ. މިއީ މިދެ ޓީމުވެ ސްގްރޫޕް ސްޓޭޖުގައި ކުޅޭ ފަހު މެޗެވެ. ފުރަތަމަ މެޗުން މިސްކިތްމަގު މޮޅުވެ 3 ޕޮއިންޓްގައި އޮތް އިރު ފުނޑު ޓީމު ވަނީ އެއްމެޗުން މޮޅުވެ އެއްމެޗުން އެއްވަރުވެ ޖުމްލަ 4 ޕޮއިންޓާއެކު ކުރީގައެވެ. ވުމާއެކު މިރޭގެ މެޗުގެ މުހިންމުކަން ބޮޑީ މިސްކިތްމަގު އެންމެން ޓީމަށެވެ.
ދަޑިމަގު އެފްސީ އާއި މިސްކިތްމްގު އެންމެން ޓީމު ބައްދަލުކުރިމެޗު 6-2.
ގްރޫޕް ސީ
ރޭ ކުޅެވުނު މުބާރާތުގެ 12 ވަނަ މެޗުގައި ދަޑިމަގު އަވަށުގެ ދެޓީމު ކަމަށްވާ އެފްސީ ނެރަގަނޑޮ އާއި ދަޑިިމަގޮ ފަންނު ޓީމު ބައްދަލުކުރި މެޗު ނިމުނީ 2-0 އިން އެފްސީ ނެރަގަނޑޮ ޓީމުު މޮޅުވެގެންނެވެ. މި މޮޅާއެކު މިދެ ޓީމުވެސް މިވަނީ އެއްމެޗުން މޮޅުވެ 3 ޕޮއިންޓާއެކު ދެވަނަ ބުރަށް ދިއުމުގެ އުއްމީދު އާކޮށްފައެވެ. މިމެޗުގެ މޮޅު ކުޅުންތެރިޔާއަށް ލިބޭ ޓްރޮފީއާއި އެވާ ފްރޮންޓުން ދޭ ގިފްޓް ވައުޗާ ހާސިލުކުރީ އެފްސީ ނެރަގަނޑޮ ޓީމުގެ ޖާޒީ ނަމްބަރު 4 ހުސޭން ޝާރިޙު އެވެ.
މި ގްރޫޕުން ހޯދަޑު ސްޕޯޓްސް ޖޫނިއާސް ކުޅުނު ދެމެޗުން މޮޅުވެ 6 ޕޮއިންޓާއެކު ވަނީ ދެވަނަ ބުރުގެ ޖާގައެއް ޖަގީންކޮށްފައެވެ. މި ްގރޫޕުގައި ހިމެނެނީ ހޯދަޑު އަވަށުގެ ދެޓީމާއި ދަޑިމަގު އަވަށުގެ ދެޓީމެވެ.
މިރޭ ކުޅޭ މިގްރޫޕުގެ އެފްސީ ހޭޅިފަށޮ ޓީމަށް މުބާރާތުގައި ކުރިޔަށް ދިއުމަށް ކިރިޔާވެސް އުއްމީދެއް އޮތީ މިރޭ އެފްސީ ނެރަގަނޑޮ އާއި ބައްދަލުކުރާ މެޗުން މޮޅުވެގެންނެވެ. އެއީވެސް އެހެން ގުރޫޕްތަކުގެ ނަތީޖާ ނުކުންނަ ގޮތަކުން ލިބިދާނެ ފުރުސަތެކެވެ. މިއީ މިދެޓީމުވެސް ގްރުޕް ސްޓޭޖުގައި ކުޅޭ ފަހުމެޗެވެ. މުބާރާތުގައި ކުރިޔަށްދިއުމުގެ ފުރުސަތު ބޮޑީ އެފްސީ ނެރަގަނޑޮ ޓީމަށެވެ. އެޓީމު މިރޭގެ މެޗުން މޮޅުވެއްޖެ ނަމަ ގްރޫޕުގެ 1 ވަނަ ނުވަތަ 2 ވަނާގައި ދެވަނަ ބުރަށް ދެވޭނެއެވެ. މިރޭ ބަލިވިޔަސް އެންމެ މޮޅު 3 ވަނަ ޓީމުތަކުގެ ފުރުސަތު ލިބިދާނެއެވެ.
ދަޑިމަގޮ ފަންނޮ ޓީމާއި އެފްސީ ނެރަގަޑޮ ބައްދަލުކުރި މެޗު 0-4
މިމުބާރާތުގައި ދަޑިމަގުން 5 ޓީމާއި ހޯދަޑުން 3 ޓީމާއި ދިގުވާޑެ، މިސްކިތްމަގު، ފުނާޑު އަދި މާލެގަމުން، ކޮންމެ އަވަށަކުން ޓީމެއް ވާދަކުރެވެ.
މިމުބާރާތުގެ އިންތިޒާމުތައް ވަރަށް ފިރުހަމަ ކަމަށް ބެލުންތެރިން ފާހަގަ ކުރެއެވެ. ކޮންމެ ރެއަކުވެސް މުބާރާތުގެ 3 މެޗު ކުޅޭގޮތަށް ހަމަޖެހިފައިވާއިރު ފުރަތަމަ މަޗު ފަށާނީ 20:15 ގައި ދެވަނަ މެޗު 21:15 ގައި އަދި ފަހު މެޗު 22:15ގައެވެ.
މެޗްޑޭ 4: މުބާރާތުގެ މެޗް ޝެޑިއުލް
ޚިޔާލުތައް