މުހައްމަދު ޝިހާބް 
މާދަރީ ބަސް ކުލަގަދަކޮށް ފުވައްމުލައް ސިޓީގައި ފާހަގަކުރުމުގެ ގޮތުން ބޭއްވި ބައްދަލުވުން
މިބައްދަލުވުމުގައި ފުވައްމުލަކު ސިޓީގެ މޭޔަރ ފަލާޙު ޝަރީފާއި ދިވެހިބަހުގެ އެކެޑަމީގެ ރައީސް އަޝްރަފު އަލީ ބައިވެރިވެ ވަޑައިގަންފައި ވެއެވެ.
ނިމުނު 2020 ވަނ އަހަރުވެސް ފުވައްމުލައް ސިޓީގައި ވަނީ ކުލަގަދަކޯށް މާދަރީބަހުގެ ދުވަސް ފާހަގަކޮށްފައެވެ. އެގޮތުން ސްކޫލްތަކުގެ މުވައްޒަފުންނާއި ދަރިވަރުންގެ ގިނަ ހަރަކާތްތަކެއް ކުރިޔަށް ގެންގޮސްފައި ވެއެވެ.
މާދަރީ ބަހުގެ ދުވަސް ފުވައްމުލައް ސިޓީގައި ކުލަގަދަކޮށް ފާހަގަކުރުމުގެ ތެރެއިން 2020- ޏ.އޭއީސީ
މާދަރީ ބަހުގެ ދުވަސް ފާހަގަކުރަނީ ބަހުގެ ހުނަރުވެރިކަން އިތުރުކުރުމަށާއި ތަފާތު އާދަކާތަށް ދެނެގަނެ ކުރިއެރުވުމަށާއި ތަފާތު ބަސްތަކަށް އަހުލުވެރިވުމުގެ ބޭނުމުގައި ކަމަށް ޔޫއެން ގެ ގަރާރު 56/262 ގައި ބަޔާކުރެއެވެ. “މަދަރ ޓަންގް ޑޭ” ފާހަގަކުރުމުގެ އަނެއް ބޭނުމަކީ ދުނިޔޭގައި އެކި ބަސްބަހުން ވާހަކަ ދައްކާމީހުންގެ ބަސްތައް ރައްކާތެރިކޮށްދީ ހިމަޔާތް ކުރުމަށާއި އެބަސްތައް ކުރިއެރުވުމަށް ބާރު އެލުމުގެ ގޮތުންނެވެ.
މުޅި ދުނިޔޭގައި، 21 ފެބްރުއަރީ މާދަރީ ބަހުގެ ގޮތުގައި ފާހަގަ ކުރަނީ ކީއްވެ؟
މާދަރީ ބަހުގެ ގޮތުގައި ދުވަހެއް ފާހަގަކުރަން ބައިނަލް އަގުވާމީ ފެންވަރެއްގައި ހަމަޖެހިގެން ދިޔުން ގުޅިފައިވަނީ ބަންގްލާދޭޝް އާއެވެ. އެއީ ބަންގްލާދޭޝްގެ މީހުން ވާހަކަ ދައްކާ “ބަންގްލާ” ނުވަތަ “ބަންގާޅީ” ބަހަކީ ރަސްމީ ސިފައެއްގައި ބަލައިގަން ބަހަކަށް ހެދުމަށް އެމީހުން ކުރިމަސައްކަތް ފާހަނގަކޮށް، އެކަން ރަސްމީކޮށް ހަަމަޖެހިގެން ދިޔަ ދުވަހަކީ 21 ފެބްރުއަރީ ކަމަށް ވާތީއެވެ. އެއީ ޕާކިސްތާނާއި ބަންގްލާދޭޝް އަކީ އެއްގައުމެއްގެ ގޮތުގައި، އިރުމަތީ ޕާކިސްތާނާއި ހުޅަނގު ޕާކިސްތާނުގެ ގޮތުގައި އޮތް ދުވަސްވަރު (1948)، ޕާކިސްތާނުގެ ރަސްމީ ބަހަކީ ހަމައެކަނި އުރުދޫ ބަހަށް ހަމަޖެއްސުމުން އިރުމަތީ ޕާކިސްތާން (މިހާރު ބަންގްލާދޭޝް) ގެ މީހުން އެކަމާއި ދެކޮޅަށް ކުރި ބޮޑެތި މުޒާހަރާ ތަކުގައި އެތައްބަޔަކު މަރުވެގެން ދިޔައެވެ. އެކަން ނިސްބަތް ކުރެވެނީ މާދަރީ ބަހުގެ ދިފާއުގައި ޔުނިވަރިސޓި ކުދިންނާއި އާއްމުގެ އެތައްބަޔަކު ނުކުމެ އެމީހުންގެ ފުރާނަ ގުރުބާން ކޮށްލި ބޮޑުކަމެއްގެ ގޮތުގައެވެ. ނުސީދާކޮށް މިމައްސަލައަށް ހައްލެ ހޯދުމުގެ ގޮތުން ބަންގްލާދޭޝްގެ ފަރާތުން ބައިނަލް އަގުވާމީ މާދަރީ ބަހުގެ ދުވަހެއް ފާހަގަކުރުމަށް ޔުނެސްކޯއަށް ހުށަހަށައިގެން ކުރެވުނު މަސައްކަތުގެ ތެރެއިންނެވެ.
ޔުނެސްކޯއިން 1999 ވަނަ އަހަރު ބައިނަލް އަގުވާމީ މާދަރީ ބަހުގެ ދުވަސް ފާހަގަ ކުރަން ފެށިކަމުގައި ވިޔަސް ޔޫއެންގައި ރަސްމީކޮށް މިދުވަސް ފާހަގަކުރަން ގަރާރުވީ 2002 ގައެވެ. އަދި 2007 ގައި އެގަަރާރު އައުކުރެވި އަމަލުކުރަން ފެށިގެން ދިޔައެވެ. މިއީ މިހާރު ބަންގްލާދޭޝްގައި ރަސްމީ ބަންދު ދުވަހެކެވެ.
ކުރީގައި ޕާކިސްޓާނުގެ ދެބައި (ފެހިކުލައިން)
ދުނިޔޭގައި 6000 ބަހުން ވާހަކަ ދައްކާއިރު އެއިގެ ތެރެއިން %43 ބަސަތައް ވަނީ އުވިގެން ހިނގައިދާނެ ކަމުގެ ބިރުހީވެފައެވެ. ކޮންމެ 2 ހަފުތާއަކު މިހާރު ދުނިޔޭގައި ވާހަކަ ދައްކާ ބަހެއް އުވިގެންދާކަމަށް ޔުނެސްކޯއިން ބުނެއެވެ. ޑިޖިޓަލް ޕްލެޓްފޯމްތަކުގައި ބޭނުންކުރެވެނީ 100 އަށް ވުރެ ވެސް މަދު ބަހެއް ކަމަށާއި އިލްމު އުނގަންނައި ދިނުމުގައި ރަނގަޅަށް ބޭނުންކުރެވެމުން ދަނީ މަދު 100 ބަހެއް ކަމަށެވެ.
މާދަރީ ބަހުގެ މިއަހރުގެ ޝިއާރަކީ “ސޭފްގާޑިން ލިންގްއިސްޓިކް ޑައިވާރސިޓީ” އެވެ. އާދެ ބަހުގައިވާ މުއްސަނދިކަން ހިމާޔަތްކުރާށެވެ.
އެގޮތުން ބަލާއިރު ދިވެހި ބަހުގެ އަނކުރުތަކުން ފުވައްމުލަކާއި އައްޑުގައި ބޭނުންކުރާ “ބަރު ނޫނު”-ނަވިއަނި، މިވަނީ ދޫކޮށްލާފައެވެ. މިއީ ދިވެހި ބަހުގައި ހިމެނެ މުއްސަނދިކަމެއް ގެއްލިގެން ދަނިކަމުގަިއ ބަލައި ނަވިއަނި ސަލާމަތްކުރަން ގޮވާލަން މުހިންމު އިރުވަރެއް ކަމުގައި ނުވާނެ ބާއެވެ؟
ބައިނަލް އަގުވާމީ މާދަރީ ބަހުގެ ދުވަސް، 21 ފެބްރުއަރީ
ޚިޔާލުތައް