މުހައްމަދު ޝިހާބް ޏ.އަތޮޅު ތައުލީމީ މަރުކަޒުގެ އިންޓަ ހައުސް ފުޓުބޯޅަ މުބާރާތުގައި މިއަދު ކުޅުނު ދެމެޗުން މުޒައްފަރު ހައުސް އާއި ޝަނިވިރާޒާ ހައުސް މޮޅުވެއްޖެއެވެ. ޝަނިވިރާޒާ ހައުސްގެ މިމޮޅާއެކު މުބާރާތުގެ ފައިނަލުން ޖާގައެއް ކަށަވަރުވީއެވެ.
މިއަދު ހެނދުނު ރަސްމީ ބޯޅަދަނޑުގައި ކުޅުނު މުބާރާތުގެ 3ވަނަ މެޗުގައި އިމާދު ހައުސްގެ ޓީމާއި ވާދަކުރީ ޝަނިވިރާޒާ ހައުސްގެ ޓީމެވެ. މިމެޗުން 2-0 މޮޅުވެ މުބާރާތުގެ ފަނަލުގެ ޖާގައެއް ޝަނިވިރާޒާ ހައުސް އިން ވަނީ ހޯދާފައެވެ. އެވެ. މިމެޗުގައި ޝަނިވިރާޒާ ހައުސް އިން ކާމިޔާބުކުރި 2 ގޯލު ޖަހައި ދިނީ ނަޒްވާން އާއި އަންސާރުވެ. މިމެޗުގެ މޮޅު ކުޅުންތެރިއަކަށް ހޮވިފައިވަނީ އަންސާރުއެވެ.
މުޒައްފަރު 6 – 0 އަމީނު
މުބާރާތުގެ 4 ވަނަ މެޗުގައި މިއަދު ހަވީރު އެންމެފަހުގެ ޗެމްޕިއަން މުޒައްފަރު ހައުސް އިން ވާދަކުރީ އަމީނު ހައުސް އާއެވެ. މިމެޗު 6-0 ގެ ބޮޑު ތަފާތަކުން ކާމިޔާބުކުރީ ކާމިޔާބުކޮށް މުޒައްފަރު ހައުސް އިންވަނީ ފައިނަލުގެ ޖާގައެއްގެ ފުރުސަތު ބޮޑުކޮށްފައެވެ. މުޒައްފަރު ހައުސްގެ ގޯލުތައް ޖަހައި ދިނީ އަމާން 2 ގޯލު، އައިދޫ 2 ގޯލު، ރާކިން 1 ގޯލު އަދި ޒައިދު 1 ގޯލެވެ. މިމެޗުގެ މޮޅު ކުޅުންތެރިއަކަށް ހޮވިފައިވަނީ އަމާންއެވެ.
މާދަމާ މިމުބާރާތުގެ ކުޅުމެއް ނޮންނާނެއެވެ. ދެން ކުޅެނީ މާދަމާ ނުން އަނެއްދުވަހު، 5 ނޮވެމްބަރުގައެވެ.
ޝަނިވިރާޒާ ދެ މެޗުން މޮޅުވެ ފައިނަލަށް
އެދުވަހުގެ ފުރަތަމަ މެޗުގައި ހެނދުނު 6:30ގައި ވާދަކުރާނީ އިމާދު ހައުސް އާއި މުޡައްފަރު ހައުސް އެވެ. މިމެޗުން މޮޅުވާ ޓީމަކަށް މުބާރާތުގެ ފައިނަލުން ޖާގަ ލިބޭނެއެވެ. މެޗު އެއްވަރުވިޔަސް ފަައިނަލުގެ ޖާގަ ލިބޭނީ މުޒައްފަރު ހައުސް އަށެވެ. އަދި ހަވީރު 4:00 ގައި ވާދަކުރާނީ އަމީނު ހައުސް އާއި ޝަނިވިރާޒާ ހައުސް އެވެ. މުބާރާތުގައި ކުޅުނު ދެ މެޗުން ބަލިވެ ބައިކޮޅަށް 9 ގޯލު ވަދެފައި ވުމުން އަމީނު ހައުސް ވަނި މުބާރާތުން ކަޓާފައެވެ.
މިމުބާރާތުގައި ވާދަކުރަނީ ޏ.އޭއީސީ 4 ހައުސްގެ ޓީމުތަކެވެ. މުބާރާތް ކުރިޔަށްދާނީ ނޮވެންބަރު 1-6 އަށް ރަސްމީ ބޯޅަދަނޑުގައެވެ. ފައިނަލު މެޗު ކުޅޭނީ 6 ނޮވެމްބަރު ވާ ހޮނިހިރު ދުވަހުގެ
މުބަރަތުގެ މެޗުތައް
1 ނޮވެމްބަރު ހެނދުނު އިމާދު ހައުސް 3 – 0 އަމީނުހައުސް
1 ނޮވެމްބަރު ހަވީރު ޝަނިވިރާޒާ ހައުސް 2 – 0 މުޡައްފަރު ހައުސް
3 ނޮވެމްބަރު ހެނދުނު އިމާދު ހައުސް 0 – 2 ޝަނިވިރާޒާ ހައުސް
3 ނޮވެމްބަރު ހަވީރު އަމީނުހައުސް 0 – 6 މުޡައްފަރު ހައުސް
5 ނޮވެމްބަރު ހެނދުނު އިމާދު ހައުސް އާއި މުޡައްފަރު ހައުސް
5 ނޮވެމްބަރު ހަވީރު އަމީނުހައުސް އާއި ޝަނިވިރާޒާ ހައުސް
6 ނޮވެމްބަރު ހަވީރު ފައިނަލް މެޗު (އެންމެ މަތިން ޕޮއިންޓް ހޯދާ ދެޓީމެއް)
ޚިޔާލުތައް