މުހައްމަދު ޝިހާބް އެކުވެރިކަމުގެ ހޭންޑްބޯޅަ މެޗެއް މާދަމާ ހަވީރު ކުޅުމަށް ހަމަޖެހިއްޖެއެވެ. ފުވައްމުލަކު ހޮސްޕިޓަލުން އިންތިޒާމު ކުރާ މި މެޗުގައި ވާދަކުރަނީ ފުވައްމުލަކު ހޮސްޕިޓަލުގެ ޓީމާކާއި ފުވައްމުލައް ސިޓީ ކައުންސިލްގެ ޓީމެވެ.
މިއީ ދުނިޔޭގެ ހަކުރުބަލީގެ ދުވަސް ފާހަގަކުރުމުގެ ގޮތުން ފުވައްމުލަކު ހޮސްޕިޓަލުން ކުރިޔަށް ގެންދާ ހަރަކާތްތަކުގެ ތެރެއިން ކުރިޔަށް ގެންދާ މެޗެކެވެ. މިމެޗު ކުޅުމަށް ހަމަޖެހިފައިވަނީ މާލެގަމު ފުޓްސަލް ކޯޓުގައި މާދަމާ ހަވީރު 4:00ގައެވެ.
މާދަމާގެ މެޗު ކުރިޔަށްދާ ވަގުތުގައި ކުޅޭ ދަނޑުގެ ސަރަހައްދުން ހަކުރު ބަޔަށް ސްކްރީން ކޮށްދިނުމަށް ހަމަޖެހިފައިވެއެވެ. އެގޮތުން ހަކުރުގެ މިންވަރު ބަލަން ޓެސްޓް ކޮށްދިނުމާއި، ބީއެމްއައި ބަލައިދިނުމާއި ބޮޑީފެޓް އިންޑެކްސް ބަލައިދިނުމާއި ބަލްޑް ޕްރެޝާ ބަލައިދިނުމަށް ހަމަޖެހިފައި ވެއެވެ.
+1
+1
ޚިޔާލުތައް