އިބްރާހިމް ލަތީފް ޓެކާސް މައިލޯ ޗެމްޕިއަންޝިޕް މޯލްޑިވްސް ކަޕްގެ ޒޯން 4 ގެ ފައިނަލްގައި ފުވައްމުލަކު ސިޓީގެ ފުޓްސަލް ޓީމު ބަލިކޮށް ގދ. ވާދޫގެ ފުޓްސަލް ޓީމް ޗެމްޕިއަންކަން ހޯދައިފިއެވެ. ރޭ ފުވައްމުލަކު ސިޓީގައި ކުޅެވުނު ފޯރިގަދަ ފައިނަލް މެޗު ވާދޫ ޓީމުން ކާމިޔާބުކޮށްފައިވަނީ 2-1 ލަޑުންނެވެ. މިމެޗުގެ މޮޅު ކުޅުންތެރިއަކަށް ހޮވުނީ ވާދޫ ޓީމުގެ ޖާޒީ ނަމްބަރު 10 އަޔާޒު އަހުމަދެވެ.
ވާދޫ ޓީމުން މެޗުގެ ލީޑު ނެގީ ފުރަތަމަ ހާފު ނިމެން 4 މިނިޓަށްވެފައިވަނިކޮށެވެ. މިލަޑަށްފަހު ފުވައްމުލަކު ސިޓީގެ ޓީމުން އިތުރު ހިތްވަރަކާއިއެކު ދެހާފު ފެށިގެން 7 ވަނަ ނިޓްގެ ތެރޭ މެޗުގެ ނަތީޖާ ހަމަހަމަ ކުރިއެވެ. އޭގެ ހަތް މިނިޓްފަހުން އަނެއްކާވެސް ވާދޫ ޓީމުން ލަނޑެއްޖަހާ ދެވަނަ ފަހަރަށް ލީޑު ނެގިއެވެ. ރޭގެ ފައިނަލް މެޗު ނިމިގެން ދިޔައީ މިނަތީޖާއާއިއެކުގައެވެ.
+1
+1
ޚިޔާލުތައް