މުހައްމަދު ޝިހާބް ދިރާސީ އަހަރުގެ ފުރަތަމަ ޓާމުގެ ޗުއްޓީ މިއަދަށް ފަހު ފެށޭނެއެވެ. މިއަހަރުގެ (2022) ކިޔެވުން ފަށާފައި ވަނީ އޮގަސްޓް މަހު 7 ގައެވެ. އަދި ފުރަތަމަ ޓާމު ނިންމާލީ، 92 ދުވަހު ކިޔަވައި ދިނުމަށް ފަހު، މިއަދު، 22 ޑިސެމްބަރުގައެވެ.
މިއަދު ސްކޫލްތަކުން ދަރިވަރުންނަށް ރިޕޯޓްފޯމު ދޭނެއެވެ. އެއާއެކު ސްކޫލް ޗުއްޓީ ފެށުނީއެވެ.
ޗުއްޓީގެ 2 ހަފުތާއަށް ފަހު ދެވަނަ ޓާމުގެ ކިޔެވުން ފަށާނީ ޖެނުއަރީ 8 ގައެވެ.
އެއިގެ ފަހުން 2023 އޭޕްރީލް މެދު ހިސާބުގައި 1 ހަފުތާގެ މިޑް-ޓާމް ބްރޭކެއް ލިބޭނެއެވެ. ދިރާސީ އހަރުގެ ކިޔެވުން އެއްކޮށް ނިމޭނީ ޖޫން މަހު 22 ގައެވެ. އެއީ 111 ދުވަހު ކިޔަވައިދިނުމަށް ފަހު އެވެ. މުޅި ދިރާސީ އަހަރުގައި ކިޔަވައިދެނީ 203 ދުވަހުއެވެ.
ދިރާސީ އަހަރުގެ ބޮޑު ޗުއްޓީ އޮންނާނީ ޖޫން 23 އިން އޮގަސްޓް 5 އަށެވެ.
މިއަދުން ފެށިގެން ދަރިވަރުންނާއި ޓީޗަރުންގެ ފުރަތަމަ ޓާމުގެ ކުޑަ ޗުއްޓީ ދުވަސް ތައް ފެށުނީއެވެ. ސްކޫލް ޗުއްޓީ ދުވަސްވަރަކީ ގިނަބަޔަކު ޗުއްޓީ ހޭދަކުރުމަށާއި އެކި ބޭނުންތަކަށް ދަތުރުފަތުރު ކުރާ ދުވަސްވަރެކެވެ.
ފާއިތުވި 20 އަހަރު ރާއްޖެއަށް ވާރޭވެހިފައިވާ ގޮތް. މޫސުން ޗާޓް: ޑރ.ފަވާޒު
ޖޫން-ޖުލައި ގައި ސްކޫލް ބޮޑު ޗުއްޓީ ރާއްޖޭގައި ފުރަތަމަ ތަޖުރިބާ ކުރީ މިއަހަރުގައެވެ. އެ ތަޖުރިބާ ގިނަބަޔަކަށް ކަމުނުދިޔައީ މޫސުން ގޯސްވެ ކަނޑުމަގުން ދަތުރު ފަތުރަށް ދަތިވުމުންނެވެ. ބޮޑު ޗުއްޓީ ބަދަލުކުރުމުގެ ކުރިން ދިމާވަނީ ޑިސެމްބަރު މަހަށެވެ. ނަމަވެސް މި ޑިސެމްބަރު މަހުގައި ވެސް މޫސުން ގޯސްކަމުގެ ޚަބަރު މޫސުމާ ބެހޭ އިދާރާއިން ވަނީ ދީފައެވެ.
ޚިޔާލުތައް