މުހައްމަދު ޝިހާބް ފުވައްމުލައް ސިޓީގައި 24 ގަޑިއިރު ޚިދުމަތް ދިނުމަށް ފިހާރަ އާއި ރެސްޓޯރެންޓްތަކެއް ކަނޑައެޅުމުގެ މަސައްކަތް ފުވައްމުލައް ސިޓީ ކައުންސިލުން ކުރަން ފަށައިފިއެވެ.
ފާއިތުވި ހަފުތާގައި ފުވައްމުލައް ސިޓީ ކައުންސިލުން ނެރުނު ދެއްނެވުމުގައި ވާގޮތުން 24ގަޑިއިރު ޚިދުމަތް ލިބޭނެ ފިހާރަ އާއި ރެސްޓޯރެންޓްތަކެއް ކަނޑައޅާނީ ފުވައްމުލައް ސިޓީގެ 7 މަގަކުންނެވެ.
އެއީ:
މުހައްމަދު ޖަމާލުއްދީނު ނާއިބު ތުއްތުމަގު (ތާރުމަގު)
ގެންމިސްކިތްމަގު
ފިނިވާމަގު
ބަހާރުމަގު
އޯކިޑުމަގު (ބޮޑުމަގު)
ހުސްނުހީނާމަގު
ބޮޑުފަންނު މަގުއެވެ.
ސައުވީސް ގަޑިއިރު ޚިމަތް ދިނުމަށް އެދޭ މިމަގުތަކުގައި ހިމެނޭ ފިހާރަތަކުން އެކަމަށް ކަނޑައަޅާފައިވާ ފޯމު ފުރިހަމަކުރެއްވުމައްފަހު ސިޓީ ކައުންސިލަށް ހުށަހެޅުމަށް ވެއެވެ. މި ހުށަހެޅުމަކަށް ވަކި މުއްދަތެއް ކަނޑައަޅާފައެއް ނުވެއެވެ.
މިޚިދުމަތް ލދިނުމުގެ ހުއްދަ ލިބޭނީ އާއމު ގަވާއިދު 136-އާރު/2018 ގައިވާ ޝަރުތުތައް ހަމަވާ ފިހާރަތަކުގެ ތެރެއިން ކަނޑައެޅޭ ފިހާރަ އާއި ރެސްޓޯރެންޓް ތަކަކަށެވެ. ނަމަވެސް އެއީ ކިތައް ފިހާރަކަމެއަ އަދި ކިތައް ރެސްޓޯރެންޓް/ކެފޭ ކަމެއް ސިޓީ ކައުންސިލުން ޙާމަކުރައްވާފައެއް ނުވެއެވެ.
ޚިޔާލުތައް