ފުވައްމުލަކު ސިޓީ ކައުންސިލުން ކުރިއަށްގެންދާ އިންޓާ އޮފީސް ބެޑްމިންޓަން މުބާރާތުގައި ބައިވެރިވުމުގެ ފުރުސަތު ހުޅުވާލައިފި

ފުވައްމުލަކު ސިޓީ ކައުންސިލްގެ އިދާރާއިން އިންތިޒާމްކޮށްގެން 31 އޯގަސްޓް 2024 ގައި ފުވައްމުލައް ސިޓީގެ އޮފީސްތަކަށް އަމާޒުކޮށްގެން ” ފުވައްމުލައް ސިޓީ ކައުންސިލް އިންޓަރ އޮފީސް ބެޑްމިންޓަން މުބާރާތް 2024 ” ގެ ނަމުގައި ބޭއްވުމަށް ނިންމާފައިވާ މުބާރާތުގައި ބައިވެރިވުމުގެ ފުރުސަތު އެކައުންސިލުން ހުޅުވާލައިފިއެވެ.

މިމުބާރާތުގައި ބައިވެރިވުމަށް އެދޭ ފޯމް ފުރުއްވުމަށްފަހު 11 އޯގަސްޓް 2024 ވާ އާދީއްތަ ދުވަހުގެ 12:00 ގެ ކުރިން އެ އިދާރާއަށް ހުށަހެޅުއްވުމަށް ފުވައްމުލަކު ސިޓީ ކައުންސިލުން އެދިލައްވައެވެ. މިބެޑްމިންޓަން މުބާރާތުގައި ބައިވެރިވެވެނީ ފުވައްމުލަކުގައި ޤާއިމުވެ ހިންގާ އޮފީސްތަކާއި ކުންފުނިތަކަށެވެ.