މުހައްމަދު ޝިހާބް މޯލްޑިވިއަންގެ ކާގޯ ފްލައިޓެއް މިއަދު ފުވައްމުލައް ދަތުރުކުރަން ހަމަޖެހިއްޖެއެވެ. މިކާގޯ ފްލައިޓްގައި ކޮންމެވެސް ވަރަކަށް ޕެސެންޖަރުން އުފުލާނެކަމަށް ނެޝެނަލް އިމާޖެންސީ އޮޕަރޭޝަން ސެންޓަރ (އެންއީއޯސީ) އިން ކުރިން ވަނީ ބުނެފއެވެ. އަދި އެއާއި ގުޅިގެން މާލޭގައި ބަންދުވެފައިވާ މީހުން ރަށަށް ދިއުމަށް ސިޓީ ކައުންސިލްގައި ރަޖިސްޓްރީ ކުރުން ވެސް ވަނީ ކުރިޔަށް ގެންގޮސްފައެވެ.
މާލޭގައި އެކިގޮތްގޮތުން ބަންދުވެފައި ތިބި މީހުން ސިޓީ ކައުންސިލްގައި ރަޖިސްޓްރީވެފައި ވަނިކޮށް އެމީހުންނަށް އިތުރު ސުވާލުތަކެއް އުފެދުނީ ޖެންޑަރ މިނިސްޓްރީން އާއްމުކުރި މާލެ ލޮކްޑައުން ކުރުމުގެ ސަބަބުން ރަށައް ނުދެވި ތިބި މީީހުންގެ ތެރެއިން ރަށަށް ފޮނުވުމުގައި އިސްކަން ދޭނޭ ތަރުތީބުގެ އުސޫލުގައި އެލްޖީއޭގައި ރަޖިސްޓްރީ ވުމަށް ނުވަތަ 1412 އަށް ގުޅައިެގން ރަޖިސްޓްރީވުމަށް ބުނެފައި ވުމުންނެވެ. އެކަމާއި ގުޅިގެން އެފަދަ ބައެއް ފަރާތްތަކުން ސިޓީކައުން ސިލަށް ފާޑުކިޔުން އަމާޒުކުރި ކަމުގައި ވިޔަސް ސިޓީ ކައުންސިލްގައި ރަޖިސްޓްރީ ކުރި ފަރާތްތަކުގެ ލިސްޓް ފުވައްމުލައް ސިޓީ ކައުންސިލުން އެލްޖީއޭއަށް ފޮނުވާފައި ކަމަށް ސިޓީ ކައުންސިލުގެ އޮފިޝަލަކު ހާމަކުރެއެވެ.
ރަށަށް ފޮނުވުމުގައި އިސްކަން ދިނުމަށް ހަމަޖެހިފައި އުސޫލު ވަނީ 3 ކެޓަގަރީއަކަށް ބަހާލާފައެވެ.
ކެޓަގަރީ 1: ގައި ހިމެނެނީ ސަރުކާރު ޚަރަދުގައި ބާހަށް މާލެ ގޮސް ނާދެވިފައި ތިބި ފަރާތްތަކާއި، ކުދަކުދިން (5 އަހރުން ދަށް) ގޮވައިގެން ބޭހަސް މާލެ ގޮސް ތާށި ވެފައިވާ ފަރާތްތަކާއި މުސްކުޅި ބަލިމީހުންނާއި އެމީހުން ބަލަހައްޓާ މީހުންނައި ނުކުޅެދުންތެރިކަން ހުންނަ ބަލިމީހުންނާއި އެމީހުން ބަލަހައްޓާ މީހުންގެ އިތުރުން މާލޭގައި ތާށިވެފައިވާ ދައިމީ ބައްޔަށް ބޭސްކުރާ ފަރާތްތަކެވެ.
ކެޓަގަރީ 2: ގައި ހިމެނެނީ އެނބުރި ރަށަށް އައުމަށް 20-15 އޭޕްރީލް 2020 އާއި ދެމެދުގެ ޓިކެޓްނަގާފައިވާ ފަރާތްތަކައި، ބޭރުން ގެނެސް 14 ދުވަހުގެ ކަރަންޓީން ހަމަކޮށްފައި ރަށަށް ނުދެވި ތިބި ފަރާތްތަކާއި، ރިޒޯޓް ބަންދު ކުރުމުން ރަށް ދިއުމަށް މާލެ އައިސް ތާށިެވފައިވާ ފަރާތްތަކެވެ.
ކެޓަގަރީ 3: ގައި ހިމެނެނީ ޖަލުން މިނިވަންވެ ރަށަށް ނުދެވިފައިވާ ފަރާތްތަކާއި، ވަޒިފާގެއްލިފައި މާލޭގައި ތާށިވެފައިވާ ފަރާތްތަކާއި، ދަރިްނ ނުވަތަ މުސްކުޅި މައިންބަފައިން ނުކުޅެދުންތެރިކަން ހުންނަ އައިލި މެމްބަރަކު ވަގުތީ ގޮތުން އެހެން ބައެއްގެ ބެލުމުގެ ދަށަށް ދުކޮށްލާފައިވާ މާލޭގައި ތާށިވެފައިވާ ފަރާތްތައް، މަލޭގައި ތާށިފވެފައިވާ އެކަނިވެރި އަންހެނުންނާއި މުސްކުޅިން، ކޮވިޑް-19 އާއި ގުޅިގެން އާމު ހާލަތު ދަސްވެ ރަށަށް ދިރިއުޅުން ބަދަލުކުރން މަޖުބޫރީ ހާލަތެއްގައިވާ މީހުން، މާލޭގައި އާމްދަނީގެ ދޮރު ބަންދުވެ އެހެން ރަށަކުން އާމްދަނީ ލިބޭނެ ފުރުސަތު އޮތް މީހުން، ނަފުސާނީ ބަލިތަކަށް ފަރުވާކުރުމަށް މާލެ އައިސް ތާށިވެފައިވާ މީހުން އަދި އަމިއްލަ ބޭނުންތަކުގައި މާލެ އައިސްފައިވާ އެހެނިހެން ފަރާތްތަކެވެ.
މިއުސޫލުގައި އެނބުރި ރަށަށް އައުމަށް ޓިކެޓް ނަގާފައިވާމުއްދަތު (20-15 އޭޕްރީލް 2020) ބައެއް ރިޒޮތް މުވައްޒަފުންނާއި އެހެން މީހުނަށްދިމާނުވުމުގެ ކަންބޮޑުވުން ވަނީ ފާޅުކޮށަފައެވެ.
ޖެންޑަރ މިނިސްޓްރީން އާއްމުކުރި އުސޫލު އަލުން މުރާޖާކުރުަމުން އަންނަކަމަށް އެންއީއޯސީގެ ރޭގެ ނިއުސް ކޮންފަރެންސްގައި ހާމކޮށްފައި ވެއެވެ.
މާލެއިން ނުވަތަ ރިޒޯޓުތަކުން ރަށައް އަންނަ ފަރާތްތަކުގެ 14 ދުވަހުގެ ކަރަންޓީނަށް ދާން ޖެހެއެވެ. އަދި އެގޮތުން ކަރަންޓީނު ކުރޭން ތަންތަން ސިޓީ ކައުންސިލުން ހަމަޖައްސަން ޖެހެއެވެ.
ނިމުނު އޭޕްްރީލް މަހު 23 ވަނަދުވަހުގެ ރޭ ރާއްޖެ ޓީވީގެ ޕްރޮގްރާމެއްގައި ވާހަކަ ދައްކަވަމުން ފުވައްމުލައް ސިޓީގެ މޭޔަރު ފަލާޙު ޝަރީފު ވިދާޅުވެފައިވާނީ ކޮވިޑް-19 ރޯގާއާއި ގުޅިގެން ކަރަންޓީން ކުރަންޖެހޭ ފަރާތްތައް ކަރަންޓީނު ކުރުމަށް 58 ކޮޓަރި ފުވައްމުލަކުގައި ތައްޔާރު ކުރެވިފައިވާކަމަށެވެ.
ޚިޔާލުތައް