ފާއިތުވި ބުރާސްފަތި ދުވަހު ފުވައްމުލައް-އައްޑޫ ފެރީން ގެނައި މަސްތުވާތަކެތި ފުލުން އަތުލައިގެންފިއެވެ. ފޭދޫ ބަނދަރުން ފުރައިގެން ފުވައްމުލަކަށް އައި އެމްޕިއެލް (މޯލްޑިވްސް ޕޯޓްސް ލިމިޓެޑް)ގެ ފެރީ ލޯންޗުން ގެނައި ފޮށިގަނޑަކުން މަސްތުވާތަކެތި ކަމަށް ބެލެވޭ އެއްޗެހި ހުރި ޖޫސް ޕެޓީ ކޮތަޅެއް ފެނިފައިވާ ކަމަށް ފުލުހުން މީޑިއާއަށް ހާމަކޮށްފައި ވެއެވެ.
ފުވައްމުލައް ސިޓީއަށް މަސްތުވާތަކެތި އެތެރެ ކުރަން އުޅޭ ކަމަށް ފުލުހުންނަށް ލިބުނު މައުލޫމާތަކާއި ގުޅިގެން ހިންގި ހާއްސަ އޮޕަރޭޝަނެއްގައި މިތަކެތި އަތުލައިގެންފައި ވަނީ ފާއިތުވި ބުރާސްފަތި ދުވަހު ހެނދުނު 11:00 ހާއިރުއެވެ.
މި އޮކްޓޯބަރު 1 ވަނަ ދުވަހުން ފެށިގެން ހިންގި ފުލުހުން ހިންގި ޚާއްސަ އޮޕަރޭޝަނެއްގައި އައްޑުސިޓީގެ ކަނޑުގެ ސަރަހައްދުން 98.6 ކިލޯގެ މަސްތުވާތަކެއްޗާއެކު ބަޔަކު ވަނީ ހައްޔަރުކޮށްފައެވެ. މި މައްސަލައާއި ގުޅިގެން ފުލުހުން ހައްޔަރުކުރި މީހުންގެ ތެރޭގައ،ި ފުވައްމުލަކުގައި މަސްތުވާތަކެތި ގެންގުޅެ ވިޔަފާރިކުރާ ކަމަށް ތުހުމަތުކުރެވެ މީހުންނާއި ގާތް ގުޅުމެއް އޮންނަ މީހަކު ވެސް ހިމެނެއެވެ.
ޚިޔާލުތައް