މުހައްމަދު ޝިހާބް ފުވައްމުލައް ސިޓީގައި ކުރިޔަށް ގެންދިޔަ އިންޓަ ސްކޫލް އެތުލެޓިކްސް މީޓް 2023 ގެ ނިންމުން ކުލަގަދަ ރަސްމިއްޔާތަކާއެކު ރޭ ފުވައްމުލަކު ސްޓޭޑިއަމްގައި ނިންމާލައިފިއެވެ. ނިންމުމުގެ ރަސްމިއްޔާރުގެ ޝަރަފުވެރި މެހުމާނަކީ ކުޅުދުއްފުށީ ކައުންސިލްގެ ރައީސް މުހައްމަދު އާތިފު އެވެ.
ނިންމުމުގެ ރަސްމިއްޔާތުގައި ސްކޫލް ކުދިންގެ ޑްރިލް ހަރަކާތްތަކާއި، ފަންނީ މާހިރުންގެ ފަޔާ ޑްރިލްސްގެ އިތުރުން ހަވާ އެރުވުން ވެސް ކުރިޔަށް ގެންގޮސްފައި ވެއެވެ.
އިންޓަ ސްކޫލް އެތުލެޓިކްސް މީޓް 2023 ނިންމުމުގެ ރަސްމިއްޔާތު.
ނިންމުމުގެ ރަސްމިއްޔާތުގައި ޝަރަފުވެރި މެހުމާނު ކުޅުދުއްފުށީ ކައުންސިލްގެ ރައީސް މުހައްމަދު އާތިފު ދެއްކެވި ވާހަކަފުޅުގައި ފުވައްމުލައް ސިޓީއިން މުބާރާތުގެ އިންތިޒާމުތައް ހަމަޖައްސާފައިވާ ލިއް ވަރަށް ފުރިހަމަ ކަމާއި ފުވައްމުލަކުން މެހުމާނުންނަށް ކީ ހޫނު މަރުހަބާއަށް ތައުރީފުކޮށް ޝުކުރު އަދާކޮށްފައި ވެއެވެ. މިފަދަ މުބާރާތެއްގެ އިންތިޒާމުތަކަށް ކުރެވޭ ޚަރަދުތަކަކީ ނުސީދާގޮތުން އެރަށަކަށް ނުވަތަ އެސިޓީއަށް ވަރަށްގިނަ ފައިދާތަކެއް ލިބިގެންދާ ކަންކަން ކަމަށް ވިދާޅުވިއެވެ.
މިމުބާރާތައި ދިމާކޮށް ބޭއްވި ރަށި ބާޒާރޮ2023 އިން ރަށުގެ ޕްރޮޑަކްޓްސްތައް މުޅި ރާއްޖެއަށް ތައާރަފުވެ މާކެޓް ކުރެވިގެން ދިޔަކަމަށް ވިދާޅުވިއެވެ.
އިންޓަ ސްކޫލް އެތުލެޓިކްސް މީޓް 2023 ނިންމުމުގެ ރަސްމިއްޔާތު.
މިފަދަ މުބާރާތެއްގައި ވާދަކުރާ އިރު ކޮންމެ އެތުލީޓަކީ ވެސް ކާމިޔާބު އެތުލީޓެއް ކަމަށާއި އެންމެ މުހިންމީ މިފަދަ ހަރަކާތްތަކުގައި ބައިވެރިވުން ކަމަށާއި ވުމާއެކު ހުރިހާ އެތުލީޓުންނަށް މަރުހަބާ ދަންނަވާ ކަމަށް ވިދާޅުވިއެވެ.
ކޮންމެ ދާއިރާއަކު ކުރިޔަށް ދާން ބޭނުންވި ނަމަވެސް އެކުއްޖެއްގެ ރަނގަޅު ޑިސިޕްލިންއެއް ހުރުން މުހިންމު ކަމަށެވެ. އެގޮތުން ގަޑިއަށް ކެއުމާއި ޕްރެކްޓިސްތަކަށް ދިއުމާއި އާއްމު ދިރިއުޅުމުގައި ރަނގަޅު އަޚުލާގެއް ދެމެހެއްޓުން މުހިންމު ކަމަށް ވިދާޅުވިއެވެ. އަދި ސެލްފް ކޮންފިޑެންސް އޮންނަންވާނެ ކަމަށެވެ. މިފަހަރު މާބޮޑު ކާމިޔާބެއް ނުލިބުނު ނަމަވެސް ދެން އަންނަ މުބާރާތަކުން ކާމިޔާބު ހޯދުމުގެ އަޒުމު އޮންނަން ވާނެ ކަމަށެވެ. ރޭސްތަކުގައި ވާދަކުރުމަށް ޓްރެކަށް އަރަންވާނީ ފުރިހަމަ ކޮންފިޑެންސާއެކު ކަމަށެވެ.
އިންޓަ ސްކޫލް އެތުލެޓިކްސް މީޓް 2023 ނިންމުމުގެ ރަސްމިއްޔާތު.
އެހެން މީހުންނަށް އިހުތިރާމު ކުރުމުގެ އާދައަކީ އެތުލީޓުން ކިބާގައި ހުންނަން ޖެހޭ މުހިންމު ސިފައެއް ކަމަށާއި ކުރިޔަށްދާން ބޭނުން ނަމަ އަނެކާއަށް އިހުތިރާމު ކުރަން ދަސްކުރަން ވާނެ ކަމަށެވެ.
ގިނަ ބެލެނިވެރިން އަމިއްލައަށް ބޮޑެތި ޚަރަދުތަކެއް ކޮށްގެން ފުވައްމުލަކަށް ކުރި ދަތުރަކީ އެބޭފުޅުންގެ ދަރިންގެ ކުރިމަގަށް ކުރެވޭ މުހިންމު މަސައްކަތެއް ކަމަށް ވިދާޅުވެ އެކަމަށް ހުރިހާ ބެލެނިވެރިންނަށް ޝުކުރު އަދާކުރެއްވިއެވެ. ބެލެނިވެރިންގެ ފަރާތުން މިމުބާރާތުގައި ރޭހަށް އަރާ ތިބޭ ކުދިންނަށް ދިން ސަޕޯޓު ފާހަގަކޮށް އެތުލީޓުންނަށް އެދިން ސަޕޯޓަކީ އަބަދުވެސް، އާއްމު ދިރިއުޅުމުގައި ވެސް ދަރިންނަށް ބޭނުންވާ ސަޕޯޓެއް ކަމަށާއި އެފަދަ ސަޕޯޓެއް ކުދިންގެ ހަޔާތުގައި ދެވިއްޖެނަމަ ތިބޭފުޅުންނަށް ބިނާކުރެވޭ ދަރިންނަކީ ގައުމާށް ބޭނުންވާ މުހިންމު ދަރިންނަށް ވެގެން ދާނެ ކަމަށް ވިދާޅުވިއެވެ.
ސްކޫލްތަކުގެ ޓީޗަރުންނާއި ވެރިން އަދި ޓީމުތަކުގެ ކޯޗުން އެކުރެއްވި މަސައްކަތްތަކަކީ ގައުމުގެ ކުރިޔަށް އޮތް ޖީލު ބިނާ ކުރުމުގެ މަސައްކަތެއްކަން ފާހަގަކޮށް އެފަރާތްތަކަށް ޚާއްސަ ޝުކުރެއް ދެންނެވިއެވެ.
އިންޓަ ސްކޫލް އެތުލެޓިކްސް މީޓް 2023 ނިންމުމުގެ ރަސްމިއްޔާތު.
މިއަހަރުގެ ބަޖެޓުގައި ފުވައްމުލައް ސިޓީގެ ސިންތެޓިކް ޓްރެކް، އައްޑޫ ސިޓީގެ ސިންތެޓިކް ޓްރެކް، ގދ.ތިނަދޫގެ ސިންތެޓިކް ޓްރެކް އަދި ކުޅުދުއްފުށި ސިޓީގެ ސިންތެޓިކް ޓްރެކް ހިމެނިފައިވާ ކަމަށާއި ޔޫތު މިނިސްޓްރީގެ ފަރާތުން އެދެނީ މި މަސައްކަތްތައް އަވަހަށް ނިނަމަވައިދެއްވާ އެތުލީޓުންނަށް ރަނގަލު ވަސީލަތްތަކެއް އެތަންތާގައި ގާއިމުކޮށް ދެއްވުމަށް ކަމަށް ކުޅުދުއްފުށި ސިޓީގެ މޭޔަރު އާތިފުގެ ވާހަކަފުޅު ނިންމަވާލައްވަމުން ފާހަގަ ކުރެއްވިއެވެ.
ޚިޔާލުތައް