މުހައްމަދު ޝިހާބް އަންނަ މާރޗް މަހު ބާއްވާ ރައްތިރުންގެ މަޖުލީހުގެ ހުރިހާ އިންތިޚާބީ ދާއިރާތަކަށް ކޯލިޝަންގައި ހިމެނޭ އެންމެ ބޮޑު ޕާޓީ އެމްޑީޕީން ވާދަ ނުކުރާނެކަމަށް މައުލޫމާތު ލިބެއެވެ. އެމްޑީޕީގެ މައުލޫމާތު އެނގޭ ފަރާތަކުން ހާމަކުރެއްވި ގޮތުގައި މަޖުލިީސް އިންތިޚާބުގައި އެޕާޓީން ވާދަކުރާނެ ކަމަށް ބެލެވެނީ 64 ނުވަތަ 62 ދާއިރާއަކަށެވެ. ނަމަވެސް އެއީ ކޮންކޮން ދާއިރާތަކެއްކަން އަދި މުޅިން ނުނިމޭ ކަމަށް ވެއެވެ.
އެމޑީޕީން ވާދަކުރާނެ ދާއިރާތައް ކަނޑައެޅުމަށް ކުރީމަޖުލިސް އިންތިޚާބުތަކުގައި އެމްޑީޕީން ހޯދާފައިވާ ނަތީޖާތަކަށާއި ލިބެމުން އައިސްފައިވާ ކުރިއެރުންތަކަށާއި އަދިވެސް ތަފާތު އެތައް ކަމަކަށް ބަލާލެވިފައިވާ ކަމަށް ވެއެވެ.
މި މައުލޫމާތަށް ބަލާލާއިރު އެންމެ ފަހުން ބޭއްވުނު ރައްޔިތުންގެ މަޖުލީހުގެ ފުވައްމުލަކުގެ 3 ދާއިރާގެ ގޮނޑި ވެސް ކާމިޔާބުކޮށްފައި ވަނީ ޕީޕީއެމުން ކަމަށްވުމުން އަންނަން އޮތް މަޖުލީސް އިންތިޚާބުގައި ފުވައްމުލަކުގެ އެއްވެސް ގޮނޑިއަކަށް އެމްޑީޕީން ކުރިމަތި ނުލާނެ ބާއޭ، އެއީ އުފެދޭ ސުވާލެކެވެ.
މިކަލް ނޫހަށް މައުލުމާތު ދިން އެމްޑީޕީ ގައުމީ މަޖުލީހުގެ މެންބަރަކު ވިދާޅުވިގޮތުގައި ފުވައްމުލަކުގެ އުތުރު ދާއިރާއާއި މެދުދާއިރާގެ ގޮނޑިއަށް އެމްޑީޕީން ކުރިމަތި ލުމުގެ ވިސްނުމެއް އެބަގެންގުޅެއެވެ. އަދި ދެކުނު ދާއިރާގެ ގޮނޑި ކޯލިޝަން ޕާޓްނަރުންނަށް ދޫކޮށްލުމަށް ވިސްނާކަމަށް ވެއެވއެ.
ނަމަވެސް އެމްޑީޕީގެ ފުވައްމުލަކުގެ ތިން ދާއިރާއިން ވެސް ޕްރައިމަރީ އަކަށް އެދާއިރާގެ އާއްމު މެންބަރުން ތައްޔާރުވަމުން އަންނަކަން ސޯޝަލް މީޑިއާގައި ކުރާ ޕްރޮމޯޝަން ތަކުން އެނގެއެވެ.
އެމްޑީޕީން މަޖުލީހުގެ 60 އަށް ވުރެ ގިނަ ދާއިރާއަށް ކުރިމަތިލާނަމަ އެއީ ކޯލިޝަން ޕާޓްނަރުން އެންމެ އެދޭނެ ގޮތް ކަމަށް ނުބެލެވެއެވެ. ކޯލިޝަން ޕާޓުނަރުން ބޭނުން ވަނީ ސަރުކާރާއި މެދު އެއްބަސްވެފައިވާ ނިސްބަތުން މަޖުލިސް ގޮނޑީގެ ފުރުސަތު ވެސް ކޯލިޝަން ޕާރޓްނަރުންގެ މެދުގައި ބަހާލުމަށެވެ.
ނަމަވެސް އެމްޑީޕީގެ އާއްމު މެމްބަރުން އެގޮތަށް ވާކަށް ނޭދެއެވެ. އެމީހުން ބޭނުންވަނީ އެމްޑީޕީއަށް ފުރުސަތު އޮތް ކޮންމެ ދާއިރާއަކަށް ކުރިމަތި ލާށެވެ.
މިއާއި އިދިކޮޅަށް ވާހަކަދައްކާ ކޯލިޝަން މެންބަރުން ހާމކުރާ ގޮތުގައި އެމްޑީޕީޕއަށް އެމީހުންގެ މަސްލަހަތު މުހިންމުވާ ގޮތަށް އެހެން ޕާޓީތަކަށް އެޕާޓީތަކުގެ މަސްލަހަތު ވެސް މުހިންވާނެއެވެ. އެ ގޮތުގައި ކޯލިޝަން ޕާޓްނަރުން ދޫ ނުދީ ދެމިތިބިެއްޖެނަމަ 2009ގައި ނުކުތް ނަތީޖާއާއި އަނެއްކާވެސް ކުރިމަތިލާން ޖެހިދާނެއެވެ.
ޚިޔާލުތައް