މުހައްމަދު ޝިހާބް އިއްޔެ ނޫން ކުރީ ދުވަހު ފުވައައްމުލައް ސިޓީއަށް ކުރި ވިއްސާރައިގައި ފެން ވަދެގެން 10 ވަރަކަށް ގެއިން މީހުން އެހެން ގޭގެއަށް ބަދަލުކުރަން ޖެހުނު ކަމަށް ރޭ ބޭއްވި ފުވައްމުލައް ސިޓީ އިމްޖެންސީ އޮޕަރޭޝަން ސެންޓަރުގެ ނިއުސް ބްރީފިންގައި ފުވައްމުލައް ސިޓީ ޑެޕިއުޓީ މޭޔާ މުހައްމަދު ޟިރާރު ހާމަކުރެއްވައިފިއެވެ.
މި ވިއްސާރާގައި ރަށުގެ އާއްމު ރައްޔިތުންގެ ދިރިއުޅުމުގެ ވަރަށް ގިނަ ކަންކަމަށް އަސަރުކޮށްފައިވާ ކަމަށާއި އަދިވެސް އެކަންކަމުން އަރައިގަތުމުގެ މަސައްކަތް ކުރަމުން އަންނަ ކަމަށާއި ރަށުގެ ގިނަ ސަރަހައްދުތަކެއްގައި އަދިވެސް ފެންބޮޑުވެ އާއްމު ދަތުރުފަތުރު ހުއްޓޭހިސާބުގައި އޮތްކަމަށް ވިދާޅުވިއެވެ. މިކަމާއި ގުޅިގެން އާމު ދަތުރުފަތުރުތައް ހުއްޓޭ ހިސާބަށް ވެސް ކަންތައް ގޮސްފައިވާ ކަން ފާހަގަ ކުރެއްވިއެވެ.
ފުވައްމުލައް ސިޓީ އިމަޖެންސީ އޮޕަރޭޝަން ސެންޓަރުން ރޭ ބޭއްވި ނޫސްވެރިންގެ ބައްދަލުވުން. 13 މެއި 2021
ޑެޕިއުޓީ މޭޔަރު އިތުރަށް ވިދާޅުވިގޮތުގައި ރަށުގެ އާބާދީގެ %60 އެއްހާ ގެތަކަށް ފެން ވަދެ ގޭގެގެ ބައެއް ސާމާނުތަކަށް ގެއްލުން ލިބިފައިވާކަމަށް ރިޕޯޓްލިބިފައި ވެއެވެ. އެކަމާއި ގުޅިގެން ސިޓީ ކައުންސިލާއި އެމްއެންޑީއެފް އަދި ޕޮލިސް ގުޅިގެން މަސައްކަތް އެހީތެރިވުމުގެ މަސައްކަތް ކުރަމުން އަންނަ ކަމަށް ހާމަކުރެއްވިއެވެ. ނަމަވެސް އަދިވެސް ބައެއް ގޭގެއާއި ހަމަޔަށް ދެވިފައި ނުވާތީ އެކަމުގެ ޝަކުވާ ސިޓީ ކައުންލަށް ލިބެމުން އަންނަ ކަމަށް ވިދާޅުވިއެވެ. ސިޓީ ކައުންސިލުން އަންނަނީ ގާތުން މިކަންތައްތައް ބަލަމުންކަމަށް ވިދާޅުވިއެވެ.
ވިއްސާރައިގައި ގެއްލުން ލިބުނު ކޮންމެ ގެއަކަށް ވެސް ސިޓީ ކައުންސިލްގެ ފަރާތުން ކޮންމެ ގެއަކަށްވެސް ޒިޔާރަތް ލިބިފައިވާ ގެއްލުންތަކާިއ ގުޅޭގޮތުން މައުލޫމާތު ސާފުކޮށް އަދި އެކަންތައްތައް ބަލާނެ ކަމަށް ވިދާޅުވިއެވެ.
އިއްޔެ މެންދުރު 2:00 އިން ފެށިގެން ކައުންސިލްގެ ޓީމުތަކުން ގޭގެއަށް ގޮސް މައުލޫމާތު ސާފުކުރަނުން އަންނަިއރު އަދު ހުރިހާ ގެއަކަށް ދެވިފައި ނުވާކަމަށް ޑިރެކްޓަރ ޖެނެރަލް އަހުމަދު ނިޖާޙު ތަފުސީލުކޮށް ދެއްވިއެވެ. ގޭގެއަށް ޒިޔާރަތް ކުރުމުގަިއ ސިޓީ ކައުންސިލުން ބޮޑަށް ބަލަމުން އަންނަނީ އެކައުންސިލަށް ގުޅައިގެން ނޯޓުކުރި ގެތަކަށް ކަމަށް ހާމކުރައެއްވިއެވެ. އަދި މިއަދުވެސް ޓީމުތަކުން ގޭގެއަސް ޒިޔާރަތްކޮށް މައުލޫމާތު އޮޅުންފިލުވާ ނޯޓްކުރުމުން ދާނެކަމަށް ވިދާޅުވިއެވެ.
12 މެއި 2021 ގެ ވިއްސާރައިގައި ފެންބޮޑުވެފައި. ފޮޓޯ ހަސަން އަބްދުﷲ
މިދުވަސްވަރު މިވަނީ ވިއްސާރަކުރާނެ ކަމަށް މޫސުމާބެހޭ އިދާރާތަކުން ހާމަކޮށްފައި ކަމަށާއި އެކަމަށް އާއްމު ރައްޔަތުން ތައްޔާރުވާން ޖެހޭކަމަށް ހާމަކުރެއްވިއެވެ. ވުމާއެކު ހުރިހާ ރައްޔިތުންވެސް އެބައެއްގެ ގެދޮރާއި މުދާ ސަލާމަތް ކުރުމަށް ކުރެވެން އޮތް މަސައްކަތެއް ދުރާލާ ކުރުމަށް އެދިވަޑައިގަތެވެ.
މިފަދަ ހާދިސާތަކުގައި ފުވައްމުލައް ސިޓީ ކައުންސިލާއި ފުލހުން އަދި އެމްއެންޑިއެފް ގެ ހުރިހާ އެންމެ ނުކުމެގެންވެސް ރަށުގެ ހުރިހާ ގެއަކަށް އެއްފަހާރާ އެހީތެރިކަން ފޯރުކޮށް ނުދެވިދާނެކަމަށެވެ. ނަވެސް މަސައްކަތް ކުރަނީ ވީހާވެސް ގިނަބަޔަކަށް އެހީތެރިކަން ފޯރުކޮށްދިނުމަށް ކަމަށް ނިޖާހު ވިދާޅުވިއެވެ. ނަމަވެސް އެންމެ ނާޒުކު ހާލަތުގައި އެންމެ ބޮޑަށް އެހީތެރިކަން ބޭނުންވާ ފަރާތަށް އެހީތެރިކަން ނުދެވުމުގެ ސަބަބުން ލިބޭ ގެއްލުންތައް ބޮޑުކަމަށެވެ. ވުމައެކު އެފަދަ ހާލަތުގައި ކޮންމެ ބަޔަކުވެސް މުދާ ސަލާމަތްކުރުމަށް ކުރެވެން އޮތްމަސައްކަތެއް ކުރުމަކީ އެންެމ ބުއްދިވެރި ގޮތްކަމަށެވެ.
މިއަދު ބައެއް ގޭގެ ތެރެއަށް ފެންގަނޑު ވަދެފައި. ފޮޓޯ : އަލީ ޝަރީ
ރޭގައި ވެސް ގިނަ އަދަދެއްގެ ވޮލަންޓިއަރުން ނުކުމެ އާއްމު ފަރާތްތަކަށް އެހީތެރިވުމުގެ މަސައްކަތް ކުރިކަން ފާހަގަ ކޮސް އެފަރާތަކަށް ޝުކުރު އަދާކުރަމެވެ.
މިދިޔަ ބުދަދުވަހު ފުވައމްުލައް ސިޓީއަސ ްވެހުނު ވާރޭގެ އަސަރު ވަރަށް ބޮޑަށް ކޮށްފައިވާއިރު ފެން ހިންދުމުގައިވެސް ލަސްތަކެއް ވެގެންދާކަން އާއްމު ރައްޔިތުން ފާހަގަކުރެއެވެ. މިދުވަސްވަރަކީ ފުވައްމުލައް ސިޓީގެ އެތެރޭގެ މަގުތައް ހެދުމުިގެ މަސައްކަތް އެމްޓީސީސީއިން ކުރަމުން ދާ ދުވަސްވަރެކެވެ. ބައެއް މިހުން ބުނާ ގޮތުގައި މިފަހަރު ވެހުނު ވާރޭ އެހެން ހުރިހާ ފަހަރުތަކަށްވުރެ ވެ ގިނަކަމަށެވެ. ނަމަވެސް މިކަން ޔަގީންކަމާއެކު ބުނެވޭނެ އެވެސް ގޮތެއް ނެތީ، ފުވައްމުލައް ސިޓީއަށް ވެހޭ ވާރޭގެ މިންވަރު ބަލަން “ރެއިންގޭޖެ” އެއް މިހާރު ބޭނުންކުރަމުން ނުދާތީއެވެ.
ޚިޔާލުތައް