އެމްޑަބްލިޔުއެސްސީ އިންޓަ ސްކޫލް އެތުލެޓިކްސް ޗެމްޕިއަންޝިޕް ނިމިފިޔަ ހަފުތާ ބަންދުގައި ނިންމާލިއިރު 15 އަހަރުން ދަށުގެ ފިރިހެން އެންމެ މޮޅު ސްކޫލަކަށް ފުވައްމުލަކު ސިޓީގެ މުހައްމަދު ޖަމާލުއްދީން ސްކޫލެވެ. މިއުމުރުފުރައިގެ އަންހެން އެންމެ މޮޅު ސްކޫލަކީ ސަލާހުއްދީން ސްކޫލެވެ. މިމުބާރާތުގެ 13 އަހަރުން ދަށުގެ ފިރިހެން ޗެމްޕިއަން ޓީމަކަށް ރެހެންދި ސްކޫލް ހޮވުނު އިރު، އެ އުމުރުފުރާގެ އަންހެން އެންމެ މޮޅު ސްކޫލަކީ ގިޔާސުއްދީން އިންޓަނޭޝަނަލް ސްކޫލެވެ.
މިއަހަރު އިންޓަ ސްކޫލް އެތުލެޓިކްސް މުބާރާތް މިމަހުގެ ނުވަވަނަ ދުވަހުން ފެށިގެން ހުޅުމާލޭ ޓްރެކްގައި ކުރިއަށް ގެންގޮސްފައިވާ އިރު، ޖުމުލަ 52 ސްކޫލެއްގެ 1563 އެތުލީޓުން ވާދަކޮށްފައިވެއެވެ. 13 އަހަރުން ދަށާއި 15 އަހަރުން ދަށުގެ އިތުރުން 17 އަހަރުން ދަށާއި 20 އަހަރުން ދަށު އުމުރުފުރާގެ އިވެންޓްތައް މުބާރާތުގައި ކުރިއަށް ގެންގޮސްފައިވާ އިރު، އެތުލީޓުންގެ ފަރާތުން ކުރިއެރުންތައް ފެނިގެން ދިޔައެވެ.
ޚިޔާލުތައް