މުހައްމަދު ޝިހާބް މިހާރު ފުވައްމުލައް ސިޓީ ފުޓްބޯޅަ ސްޓޭޑިއަމްގައި ކުރިޔަށްދާ ފުވައްމުލައް ސިޓީ ފުޓްސަލް މުބާރާތް 2019 ގެ 4 ވަނަ ދުވަހުގެ މެޗުތަކުން މިސްކިތްމަގު ޓީމާއި އެފްސީ ދޫނޑިގަލޯނާގެ ޓީމު މޮޅުވެއްޖެއެވެ. މި މޮޅާއެކު އެފްސީ ދޫނޑިގަލޯނާގެ ޓީމު ވަނީ ގާތްގަނޑަކަށް ގުރޫޕް އޭގެ އެއްވަނަ ޓީމުގެ ގޮތުގައި ސެމީފައިނަލަށްް ދަތުރުކޮށްފައެވެ.
މުބާރާތުގެ ޕޮއިންޓް ޓޭބަލް
އިއްޔެ ހަވީރު ކުޅެވުނު މުބާރާތުގެ 7 ވަނަ މެޗުގައި މިސްކިތްމަގު ޓީމާއި ވާދަކުރީ ދޫނޑިގަލޯނާ ޖޫނިއަރ ޓީމެވެ. މި މެޗު 2-0 ން ކާމިޔާބުކުރީ މިސްކިތްމަގު ޓީމެވެ. މިމެޗުގެ މޮޅު ކުޅުންތެރިއަކަށް ހޮވިފައި ވަނީ މިސްކިތްމަގު ޓީމުގެ ޖާރޒީ ނަމްބަރު 12 މުހައްމަދު މުހުސިނު އެވެ.
މެޗު 7 ގެ މޮޅު ކުޅުންތެރިޔާ: މިސްކިތްމަގު ޓީމުގެ ޖ. 12 މުހައްމަދު މުހުސިނު
މި މޮޅާއެކު މިސްކިތްމަގު ޓީމު ކުޅުން 3 މެޗުގެ ތެރެއިން 2 މެޗުން މޮޅުވެ 6 ޕޮއިންޓާއެކު ގްރޫގޫރުގެ ދެވަނައަށް ވާދަކުރެއެވެ. މިގްރޫޕުގަިއ ބާކީ އޮތް މެޗުން ދޫނޑިގަލޯނާ ޖޫނިއަރ ޓީމު މޮޅު ނުވެއްޖެ ނަމަ ސެމީ ފައިނަލުގެ ޖާގަ ލިބޭނީ މިސްކިތްމަގު ޓީމަށެވެ. ގްރޫޕުގެ ފަހު މެޗުން ދޫނޑިގަމަގެ 1 ނަމަބަރު ޓީމުގެ މައްޗަށް ޖޫނިއަރ ޓީމުން ކުރި ހޯދައިފިނަމަ އެމީހުންނަށް ގޯލުގެ ތަފާތުން މިސްކިތމަގު ޓީމަށްވުރެ ކުރި ލިބި ސެމީގެ ދެވަނަ ޖާގަ ލިބޭނެއެވެ.
މެޗު 8ގެ ފެށުން
މުބާރާތުގެ 8 ވަނަ މެޗުގައި އިއްޔެ އެފްސީ ދޫނޑިގަލޯނާ ޓީމާއި ދަޑިމަގު ޖޫނިއަރ ޓީމު ބައްދަލުކުރި މެޗު 8-1 ގެ ބޮޑު ތަފާތަކުން ކާމިޔާބުކުރީ އެފްސީ ދޫނޑިގަލޯނާ ޓީމެވެ. މިމެޗުގެ މޮޅު ކުޅުންތެރިއަކީ އެފްސީ ދޫނޑިގަލޯނާ ޓީމުގެ ޖާރޒީ ނަމްބަރު 9 އަލީ ރިލުވާމް އެވެ.
މެދު 8 ގެ މޮޅު ކުލުންތެރިޔާ: އަލީ ރިލުވާމު ޖ. 9 އެފްސި ދޫނޑިގަލޯނާ
މި މުބާރާތުގައި އެންމެ ގިނަ ގޯލު ގޯލުޖަހަމުން އަންނަ ޓީމަކީ އެފްސީ ދޫނޑިގަލޯނާއެވެ. އެޓީމު މިހާތަނަށް ކުޅުނު ދެމެޗުގައި ޖުމްލަ 18 ގޯލު ޖަހާފައި ވެއެވެ.
ބީ ގްރޫޕުން ސެމީ ފައިނަލުގައި ކުޅޭނީ 1 ވަނަ ހޯދަޑު ސްޕޯރޓްސް، 2 ވަނަ އެފްސީ ދަޑިމަގު އެވެ. ސެމީފައިނަލުގައި ކުޅޭނީ ގްރޫޕްގެ 1ވަަނަ އަދި ދެވަނަ ކޮރޮސްކޮށެވެ.
މިއަދު ހަވީރު ކުޅޭ ގްރޫޕ ސްޓޭޖުގެ ފަހު މެޗުގައި ބައްދަލުކުރާނީ ދޫނޑިގަލޯނާ ޖޫނިއަރސް ޓީމާއިއެފްސީ ދޫނޑީގަލޯނާގެ ޓީމެވެ.
މާދަމާ ސެމީފައިނަލުގެ 2 މެޗު ކުޅެފައި ފައިނަލް މެޗު ކުޅޭނީ އެއިގެ އަނެއްދުވަހު އެވެ.
ޚިޔާލުތައް